Presidentja e Kosovës, Vjosa Osmani, tha se pret që gjatë muajit korrik të mbahet një takim midis dy bartësve të dialogut Kosovë - Serbi, përkatësisht Albin Kurtit dhe Aleksander Vuçiçit.
Gjatë një konference për mediat në Slloveni ku ndodhet për një vizitë dy-ditore, Osmani tha se Kosova gjithmonë ka qenë konstruktive dhe është angazhuar në mënyrë aktive në dialogun me Serbinë.
Sipas saj, në këtë proces, Prishtina ofron propozime për të kontribuar në përforcimin e paqes në rajon.
“Sa i përket dialogut me Serbinë, procesi po vazhdon, ka pasur takime në nivel të kryenegociatorëve dhe shumë shpejt, besoj gjatë korrikut – por, kjo varet nga lehtësuesit evropianë – ne do të kemi po ashtu një takim në nivel të liderëve. Por, procesi ka vazhduar, ka qenë konstant dhe shumë dinamik dhe po ashtu ka rezultuar në marrëveshjen për udhëzuesin në energji, që mendoj se është një arritje e madhe në proces. Po ashtu ka zhvillime pozitive në çështjen e të zhdukurve me dhunë që është një rrugë e rëndësishme drejt paqes dhe pajtimit në mbarë rajonin”, tha Osmani.
Osmani gjatë ditës së parë në Slloveni u takua me homologun slloven Borut Pahor, me të cilin zhvilluan konferencë të përbashkët për shtyp.
Gjatë konferencës, Borut Pahor kërkoi si nga Kosova, po ashtu nga Serbia që të ringjallin dialogun që ka nisur më 2011 nën ndërmjetësimin e Bashkimit Evropian.
Bartësit e dialogut, kryeministri i Kosovës, Albin Kurti, dhe presidenti i Serbisë, Aleksander Vuçiç, nuk janë takuar në Bruksel që nga korriku i vitit 2021. Deri më tani, ata kanë zhvilluar vetëm dy takime dhe që të dyja nuk kanë sjellë ndonjë rezultat konkret.
Zyrtarët në BE kanë thënë se janë duke përgatitur një takim të ri midis Kurtit dhe Vuçiqit, por ende nuk kanë dhënë ndonjë datë se kur mund të ndodhë.
Komente
Lajme të tjera
-
LDK i mbyll 'derën' Vetëvendosjes, Haziri: Bashkëpunojmë me partitë e opozitës, rrezikohet krizë politike
29 Mars, 16:52 -
Pasi dështoi vetë të sfidonte Ramën në zgjedhje, Albin Kurti i ka shpresat tek Adriatik Lapaj
28 Mars, 22:32 -
Kosovë/ Presidentja Osmani kundër rritjes së çmimit të energjisë: Propozimi injoron situatën ekonomike dhe aspektin e mirëqenies në vend
28 Mars, 18:01 -
Arben Qirezi: Mes suksesit të Pacollit e skandalit të Kurtit, një ditë kontrasti për diplomacinë
28 Mars, 16:10
-
Pas protestave masive të studentëve, Vuçiç: Kërkesat e tyre janë plotësuar të gjitha! Negociatat për qeverinë e re nisin javën e ardhshme
28 Mars, 14:25
-
KQZ e Kosovës certifikoi zgjedhjet, Kurti: Hera e parë që mbyllet një mandat kushtetues, Qeveria jonë do vazhdojë ushtrimin e detyrave
27 Mars, 20:27 -
Kurti e quajti Grenell homoseksual/ Bilali: Albini gaboi rëndë, Berisha: Do ketë pasoja për Kosovën
27 Mars, 19:08 -
Mosmarrëveshjet e vazhdueshme mes Kosovës dhe Serbisë për vizitat zyrtare
27 Mars, 18:55 -
Kosovë, KQZ-ja certifikon rezultatet e 9 shkurtit, kush do formojë qeverinë e re?
27 Mars, 16:58 -
Reagimi serb për njohjen nga Kenia, Prishtina zyrtare: Nuk ka interes për normalizimin e marrëdhënieve, tregoi edhe njëherë gatishmërinë për agresion
27 Mars, 14:27 -
Osmani i kërkon BE-së heqjen urgjente të masave ndaj Kosovës
27 Mars, 14:13 -
Kurti ra pre e 'kurthit' të dy komedianëve rusë, Elezi në Report Tv: Informacionet mund t’i përdorin si shantazh ndaj Kosovës, ka ndërhyrje, biseda është më e gjatë
27 Mars, 13:57
