Osmani: Po përballemi me sfidën e sigurisë, kemi nevojë për mbështetjen e Shqipërisë! Po koordinohem me Ramën, Begajn e diplomatët

 

"Kosova ka nevojë për mbështetjen e Shqipërisë në arenën ndërkombëtare për t’u bërë zëri i saj në institucionet ku nuk ka përfaqësim". Kjo ishte kërkesa që bëri Presidentja e Kosovës Vjosa Osmani në konferencën për shtyp me presidentin Bajram Begaj, teksa nënvizoi se Kosova po përballet me sfidën më të madhe të sigurisë. Ajo shtoi se është angazhuar vetë personalisht për t’u koordinuar me kryeministrin Edi Rama, presidentin Begaj dhe diplomatët shqiptarë.

“Unë mendoj që çdo moment është i mirë për ta vizituar republikën e Shqipërisë. Përkundrazi çdo vizitë ndihmon fuqizimin tonë në rajon. Kosova sot përballet me sfidimin më të madh të sigursë në këto 25 vitet e fundit. Kur kemi përballje me sfida të tilla atëherë është detyrim i secilit prej nesh që interesat kombëtare t'i vëmë para së gjithash. Të flasim me një zë të unifikuar. Unë s'kam dyshim se qëllimin e kemi të përbashkët. Ndonësë ndonjëherë kemi dallime në strategji atëherë duhet të ulemi t’i diskutojmë si familje. Sepse jemi një familje. Jam e bindur se edhe ndonjë moment i vogël i pakëndshëm tejkalohet. Do të ulem për angazhim me presidentin, kryeministrin dhe me të gjithë diplomatët e republikës së Shqipërisë kudo ndodhen. Mos të harrojmë që jemi në një moment të mirë si Kosovë dhe Shqipëri, kemi arritur lirinë, pavarësinë, jemi shtetet më demokratike në rajon e përtej. Bashkëpunimi ynë koordinimi ynë vetëm sa do të hapë më shumë dyert për suksese prej të cilave përfitojnë qytetarët tanë”, tha ajo.

LEXO EDHE:
Itali, presidenti Begaj nis turin e dytë të vizitave në Kozenca të Kalabrisë me komunitetin arbëresh

Lajmi kryesor:

Osmani në Tiranë, Begaj: Do kërkojmë njohjen e Kosovës në KS në OKB! Presidentja: Të unifikojmë politikën e jashtme, duam mbështetjen tuaj

B.K/Shqiptarja.com

TAG:
• osmani ne tirane
• Bajram Begaj
• Vjosa Osmani