Osmani: Të lehtësohen proçedurat e marrjes së nënshtetësisë për shqiptarët nga Presheva, Medvegja e Bujanoci

Vjosa Osmani

Presidentja e Kosovës, Vjosa Osmani, në fjalimin e saj vjetor para deputetëve të Kuvendit të Kosovës ka përmendur edhe çështjen e shqiptarëve të Preshevës, Medvegjës e Bujanocit, të cilët po përballen me diskriminimin mbi baza etnike.

Ajo ka thënë se është angazhuar për lehtësimin e proçedurave për marrjen e shtetësisë së Kosovës për banorët nga Presheva, Medvegja e Bujanoci.

“Kam kërkuar reagimin e bashkësisë ndërkombëtare kundrejt spastrimit etnik të kësaj pjese me shlyerjen e adresave të tyre me qëllim ndryshimin e demografisë. Shumë nga shqiptarët e këtyre komunave tani janë pa shtetësi e pa mundësi për të realizuar të drejtat e tyre themelore. E kur jemi te shtetësia, ka qenë e pafalshme që për  vite të tëra, procedurat për marrje të shtetësisë së Kosovës për shqiptarët nga Presheva, Medvegja e Bujanoci kanë qenë të njëjta me ato që vlejnë për qytetarë që vijnë nga kontinente të largëta. Prandaj, kam propozuar që në ligjin e ri për shtetësi, i cili është duke u përgatitur, të parashihen lehtësira në procedurat e marrjes së nënshtetësisë për bashkëkombasit tanë nga Lugina dhe shpresoj që ky propozim do të përkrahet nga ju sapo të vijë në Kuvend", tha Osmani.

Lajmi kryesor:

Osmani nis fjalimin vjetor në Parlament me sulmin në Banjskë: Kosova u përball me situatën më të rrezikshme që nga pavarësia, po ne nuk zmbrapsemi

S.S/Shqiptarja.com

TAG:
• Vjosa Osmani
• kosove
• tensione ne veri te kosoves