POP 5

Lajmet më të lexuara të 5 minutave të fundit

Politikë

Përgjimet, PD dhe PS rrëzojnë
Prokurorinë e Përgjithshme

Opozita dhe mazhoranca bashkuan votat dje në mbledhjen e Komisionit të Ligjeve për rrëzimin e amendamentit të kryeprokurores Ina Rama që ka të bëjë me dhënien e aksesit për prokurorët e rretheve të përgjojnë edhe pa lejen e saj.
TIRANE- Opozita dhe mazhoranca bashkuan votat dje në mbledhjen e Komisionit të Ligjeve për rrëzimin e amendamentit të kryeprokurores Ina Rama që ka të bëjë me dhënien e aksesit për prokurorët e rretheve të përgjojnë edhe pa lejen e saj. Kjo për të dy palët duket jo e arsyeshme që përgjimet të decentralizohen pasi kjo lë shteg për abuzime pa dieninë e Prokurores së Përgjithshme. Deputetja e PS, Ermonela Felaj, deklaroi se amendamentet e Prokurorisë vijnë në kundërshtim me njëra-tjetrën duke marrë parasysh që proceset e përgjimit do të kryheshin nga pokuroritë e rretheve dhe në të njëjtën kohë do të ishte Prokuroria e Përgjithshme që do të merrej me proceset teknike të përgjimit. Kjo sipas Felajt është në kontraditë me njëra-tjetrën. "Proceset teknike të përgjimit të komunikimeve për nevojat e hetimeve paraprake, sipas procedurave që përcakton neni 221-226 kryhen në Zyrën e Prokurorit të Përgjithshëm, ndërkohë që pika e tretë propozon një gjë të kundërt. Nëse pika dy flet për centralizimin, pra që përgjimi të kryhet vetëm tek ajo zyrë, pika tjetër flet për decentralizimin, që të mos kryhet te kjo zyrë, po nga rrethet. Duke qenë se këto vijnë në kundërshtim unë jam që të mos përfshihet kjo pikë", tha deputetja e PS, Ermonela Felaj. Në variatin përfundimtar të draftit që pritet të miratohet në Kuvend, të gjitha përgjimet do të kryhen në ambientet e SHISH, pavarësisht kërkesave për investigim, që do të vijnë nga SHKB e Policisë apo e Burgjeve. Por ndryshimet në ligjin për përgjimet e telekomunikimeve, që u miratuan gjithsesi vetëm nga demokratët, janë shoqëruar nga dyshimet e opozitës,të cilët parimisht nuk janë dakort me ligjin që ka propozuar Ministria e Inovacionit.

QENDRIMI I MAZHORANCES
Deputeti i PD, Fatos Hoxha e konsideroi kërkesën e Prokurorisë si apsurde, pasi përgjimet varen vetëm nga kryeprokuroria që është tashmë në varësi të Kuvendit, kjo nuk mund të kalojë në varësi të prokurorëve të rretheve. "Në fakt është këmbëngulur nga Prokuroria në kërkesën e saj, dhe mua më është dukur absurde kërkesa e tyre. Ky Kuvend e ka ngritur nivelin me ligjin aktual, tek Prokurori i Përgjithshëm, i cili varet direkt nga Kuvendi. Ata kërkojnë sot që këtë gjë që ne e kemi cilësuar te një njeri me përgjegjësi më të madhe, ta ulim dhe ta çojmë në nivele më të ulëta", tha Fatos Hoxha, deputet i PD-së. Ligji i kontestuar dhe më herët nga socialistët pasi krijon institucione paralele përgjimi dhe lë shteg abuzimi, u miratua vetëm me votat e maxhorancës. Ai i jep të drejtën e përgjimit edhe Shërbimit të Kontrollit të Burgjeve në varësi të Ministrisë së Drejtësisë.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03