20 persona kanë mbetur të vrarë dhe rreth 50 të tjerë të plagosur pas përleshjeve të sotme në kryeqyetin egjiptian, Kajro. BBC bën të ditur se gjithçka ka ndodhur gjatë një proteste organizuar nga salafistët pranë ministrisë së drejtësisë dhe se viktimat ishin të gjithë nga rradhët e protestuesve.

Burimet flasin për persona të armatosur dhe të paidentifikuar që në të gdhirë kanë sulmuar qindra protestues të cilët prej ditësh qëndrojnë pranë ministrisë së drejtësisë duke kërkuar largimin e qeverisë.

Shumica e demostruesve janë mbështetës të kandidatit islamik ultrakonservator, sheiku Hazem Abu Ismail, që u përjashtua nga gara presidenciale sepse nëna e tij kishte dyshtetësi.

(ob/shqiptarja.com)