"Neni duhet të vinte të votohej në komision, pasi kishim edhe pikën e mbetur pezull për formulën e komisionit të vetingut. Është e vërtetë që ka pasur një email që më ka ardhur mua nga përfaqësuesi I OPDAT, por është pjesërisht e vërtetë ajo që tha Vasili, nëse Vasili nuk e ka këtë email unë ia vë në dispozicion, edhe qëndrimin e negociatorit të tij. Nuk mund të përfshihet komisioni në një negociatë politike", u shpreh Xhafaj.
Fatmir Xhafaj beri transparencen e procesit duke bere publik dokumentin qe permbante draftin e eksperteve amerikane dhe europiane për çështjen e vetme të mbetur pezull, sistemin e vetingut. Sipas këtij drafti, ekspertët e huaj i kalonin kompetencat e administrimit të aplikantëve për komisionin e vetingut nga Avokati i Popullit tek Presidenti i Republikes. Ky ishte i vetmi ndryshim qe kerkohej te behej nga Komisioni i Posacem i Reformes Zgjedhore te drejtuar nga zoti Xhafaj, cka do i hapte rrugen votes sot ne Parlament.
Por cka ndodhi? Drafti i eksperteve te huaj ka marre miratimin me shkrim te negociatorit te PS. Ky draft nuk ka marrë asnjë pergjigje nga PD, nderkohe qe negociatori i LSI Manjani eshte shprehur me shkrim se nuk mund te jepte ende dakordesine per ate draft. Ne keto kushte, kur dukshem mungonte dakordesia e te gjitha paleve per draftin e nderkombetareve, Xhafaj e kishte te pamundur te mblidhte Komisionin.
Ndërsa nga ana tjetër, ministr i Drejtësisë deklaroi se pretendimet e Xhafajt janë shpifje. "Lidhur me një email timin është shpifje shumë e rëndë dhe e papranueshme për mua, Xhafaj ka marrë një email nga OPDAT dhe ai ishte i mjaftueshëm që ai të mblidhe komisionin, përgjigja ime për negociatorët ka qenë në tekst kjo: Unë nuk e di për çfarë rishikimi të tekstit nuk keni rënë dakord, ka shumë ndryshime nga ajo që kemi rënë dakord të hënën, ka ndryshime të propozuara nga zyra e Ramës. Kërkesa ime për negociatorët është injoruar, kështu që unë nuk mund të shprehem as dakord as mosdakord në lidhje më këtë çështje në email, jam në kryesinë e Kuvendit dhe po pres, ky është emaili im", tha Manjani.