POP 5

Lajmet më të lexuara të 5 minutave të fundit

Kronikë

Përplasjet e banorëve me IKMT
në Tiranë, arrestohen 3 persona

Tre persona janë arrestuar nga policia në Tiranë, pasi janë përplasur me policinë dhe punonjës të Inspektoratit Kombëtar për Mbrojtjen e Territorit (IKMT). Ngjarja ka ndodhur mesditën e kësaj të premte, gjatë një aksioni për zgjerimin e një rruge pas stadiumit "Qemal Stafa". 
Tre persona janë arrestuar nga policia në Tiranë, pasi janë përplasur me policinë dhe punonjës të Inspektoratit Kombëtar për Mbrojtjen e Territorit (IKMT). Ngjarja ka ndodhur mesditën e kësaj të premte, gjatë një aksioni për zgjerimin e një rruge pas stadiumit "Qemal Stafa". 

Banorët kundërshtuan prishjen e avllive për zgjerimin e rrugës, duke qëlluar me gurë punonjësit e Inspektoriatit dhe policinë. Situata ka precipituar dhe punonjës të policisë dhe IKMT-së janë konfliktuar me shtetasit Eni Spahiu , 26 vjeç, Noke Spahiu , 51 vjeç si dhe Sokol Durma, 31 vjeç, të tre banues në Tiranë. Ndërsa është proceduar në gjendje të lirë Altin Durma, 35 vjeç,

Njoftimi i Policisë:
Tiranë

Kundërshtojnë vendimin e I.K.M.T., për një mur pa leje. 

Qëllojnë me mjete të forta Punonjësit e Policisë,në pranga tre shtetas.

Më datë 02.12.2016, rreth orës 13:30, mbrapa stadiumit "Qemal Stafa", në rrugën "Faik Konica", gjatë zbatimit të vendimit të I.K.M.T., Dega Tiranë, i datës 01.12.2016, për prishjen e një muri pa leje, në banesën e shtetasit Sokol Durma, ka pasur një konfrontim midis punonjësve të policisë së rendit, të cilët ishin vendosur aty për mbarëvajtjen e zbatimit të vendimit dhe disa shtetasve të cilët janë kundra këtij vendimi.

Këta shtetas kanë filluar duke hedhur gurë dhe mjete të tjera të forta në drejtim të Policisë, ku për pasojë kanë mbetur të dëmtuar lehtë disa punonjës policie, të cilët morrën mjekimin e nevojshëm në S.Q.U.

Punonjësit e policisë kanë ndërhyrë për të bërë të mundur normalizimin e situatës dhe janë kundërshtuar me forcë duke bërë rezistenc si dhe penguar punonjësit në kryerjen e detyrës .Ndodhur në këto kushte pas verifikimeve u kryen veprimet e para proceduriale dhe u bë arrestimi në flagrancë i shtetasve:

•Eni Spahiu , 26 vjeç, banues në Tiranë
•Noke Spahiu , 51 vjeç, banues në Tiranë
•Sokol Durma , 31 vjeç, banues në Tiranë

Si dhe u procedua në gjendje të lirë shtetasi:

•Altin Durma , 35 vjeç, banues në Tiranë, për veprën penale "Mosbindje ndaj urdhërit të punonjësit të rendit publik", parashikuar nga Neni 242 i Kodit Penal. 

Në ngarkim të shtetasve të mësipërm i kaluan materialet proceduriale në Prokurorinë pranë Gjykatës së Shkallës së Parë Tiranë, për veprat penale "Goditje për shkak të detyrës e kryer në bashkëpunim" dhe "Kundërshtim i punonjësit të policisë së rendit publik", parashikuar nga Nenet 236/2-25 dhe 237 të Kodit Penal. 

Redaksia Online
l.q/Shqiptarja.com

/Shqiptarja.com
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56