Përplasjet e Presidentit Trump me
FBI,së shpejti dokumenti sekret

Një dokumet sekret pritet të publikohet nga Shtëpia e Bardhë gjatë kësaj jave, ku sipas mediave ndërkombëtare në të flitet për një abuzim të pushtetit të FBI dhe Departamentit të Drejtësisë gjatë fushatës elektorale të 2016.

Sipas raportimeve,  dokumenti akuzon Departamentin e Drejtësisë dhe FBI- në për abuzimin me një program mbikqyrje të njohur si Akti i Mbikqyrjes së Inteligjencës së Jashtme gjatë fushatës zgjedhore presidenciale të 2016-ës.

Dokumenti i hartuar nga komiteti i inteligjenës, mori ditën e hënë votën për tu publikuar, ndërkohë që FBI ka reaguar duke deklaruar se ka patur një mundësi të limituar për ta parë dokumentin. Nga ana tjetër Departamenti i Drejtësisë është shprehur se publikimi i këtij dokumenti do të ishte një akti i jashtzakonisht i pamatur.

Deklarata e shefit të stafit të Shtëpisë së Bardhë, John Kelly,për publikimin e këtij dokumenti ka çuar në debate edhe në senat ku demokratët kanë akuzuar republikanët se kanë bërë ndryshime në dokument.

Gjithashtu senatorët demokrat kanë frikë se publikimi i dokumentit mund të jetë një përpjekje për diskreditimin e hetimit mbi lidhjet e fushatës  presidenciale të Trump me Rusinë. 

d.c./shqiptarja.com