Në redaksinë e emisionit, mbërriti një telefonatë, e cila zbuloi origjinën e gruas që dyshohet se është nëna biologjike e Shpëtim Boçit. Zonja me emrin Asime, e cila ka jetuar në Hekal të Mallakstrës ishte e martuar kur lindi djalin më 16 shkurt të vitit 1960. Nuk dihet se cilat ishin rrethanat që kjo grua nga Vlora u detyrua të braktiste foshnjën, por ajo që ’Pa gjurmë’ ka mundur të mësojë është se Shpëtimi nuk ishte një fëmijë jashtë martese. Ai mund të ketë edhe motra e vëllezër të tjerë. 60-vjeçari i mbytur në lot mes emocionesh shpreson të jetë Asimja, nëna e tij biologjike.
’Ndjehem i lumtur që nuk jam një fëmijë jashtë martese. Uroj të jetë nëna ime dhe ta takoj së shpejti. Jam i emocionuar që mora këtë lajm të mirë nga ju, sot’-, shprehet Shpëtim Boçi
Shpëtim Boçi erdhi në jetë, pak çaste pasi nëna e tij birësuese humbi fëmijën e saj të tretë. Me mendimin se nuk do të bëheshin më prindër, çifti Latif dhe Metulla, nga Kuçova birësuan menjëherë foshnjën, që sapo u braktis nga nëna, që e solli në jetë. Gjithçka nisi dhe përfundoi brenda dyerve të maternitetit të Beratit, ku nëna firmosi dhënien për birësim të foshnjës që erdhi si një shpëtim për familjen birësuese, Boçi. Por fati kishte rezervuar një tjetër surprizë, atëherë kur shpresat humbën u rikthyen. Djali që hyri në shtëpi do të sillte një tjetër gëzim të madh, kur 4 vite pasi u birësua ishte e shkruar mesa duket, që çifti nga Elbasani të bekoheshin me një tjetër fëmijë. Liljana erdhi në jetë në vitin 1964, 4 vite pasi Shpëtimi u birësua. Por kur e gjithë kjo bujari prej fatit dukej se do të gëzonte pafund këtë familje elbasanllie, pas lindjes së motrës, Shpëtimi do të ndihej i tepërt. Me rritjen e tij, nisën edhe dyshimet e para të djalit i cili kuptoi se nuk kishte ngjashmëri me prindërit. Kësaj pyetje që ua drejtonte prindërve shpesh si çengel, nëna i përgjigjej se ai i kishte mbyllur plagët. Shpesh nuk afrohej as nga të afërmit. Kudo që shkonte merrte si shuplakë përbuzjen. Kur nëna ndërroi jetë në vitin 1979, Shpëtimi ishte 19 vjeç. Pas kësaj do të merrte një tjetër rrjedhë jeta e tij. Mesa duket ajo kishte qenë për të I vetmi person që e deshi, pasi pas largimit të saj një hendek i madh zbrazëtie u thellua mes babait birësues dhe motrës. Ajo çfarë Shpëtimin e habit është fakti se në dokumente mban datën e lindjes më 16 shkurt, por familja gjithmonë ia ka festuar ditëlindjen më 29 shkurt. Sot Shpëtim Boçi është një 60-vjeçar dhe bashkë me familjen e tij jetojnë në Greqi prej 20 vitesh. Edhe pse është bërë gjysh, një brengë e mundon ende.
VIDEO/ Emisioni i plotë
Lajme të tjera
-
Elbasan/ Ushtroi dhunë ndaj babait dhe i vodhi paratë, në pranga 31 vjeçari
23 Nëntor, 13:36 -
Moti i keq/ Era e fortë dhe shiu i dendur ‘pushtojnë’ Elbasanin
22 Nëntor, 18:09 -
Elbasan/ Aksident në Belsh-Kuçovë, makina del nga rruga, plagosen shoferi 21-vjeçar dhe pasagjerja
22 Nëntor, 17:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Bashkia Cërrik feston 72-vjetorin e krijimit
21 Nëntor, 17:33 -
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Ylli i ri i peshëngritjes shqiptare, Kristi Muça fiton medalje në Bullgari
20 Nëntor, 19:25 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Aksident në aksin Elbasan- Cërrik, 2 mjete përplasen me njëra-tjetrën, policia në vendngjarje
20 Nëntor, 11:34 -
Elbasan/ Mashtroi se do të blinte një automjet për fabrikën që administronte, vodhi 25 mln lekë! Arrestohet 38- vjeçari
20 Nëntor, 11:27 -
Gramsh/ Po bënte manovra me motomjet në oborrin e banesës, rrëzohet dhe dëmtohet në kokë! Humb jetën 31 vjeçari
20 Nëntor, 09:23
