POP 5

Lajmet më të lexuara të 5 minutave të fundit

Sociale

‘Pa gjurmë’/Iku për të kërkuar azil në Norvegji, humb kontaktet prej 3 vitesh, 44-vjeçari babai i tre fëmijëve

Një histori tjetër e trishtë është prezantuar në emisionin “Pa gjurmë“, e një nëne që ka humbur kontaktet me bashkëshortin e saj  dhe tre fëmijëve që prej tre vitesh vuajnë mungesën e të atit, që kur ky i fundit humbi komunikimin me ta në vitin 2015, në emigrim dhe që prej atëherë familja e kërkon dhe nuk di më asgjë për fatin e 44-vjeçarit . 

Një histori tjetër e trishtë është prezantuar  në emisionin “ Pa gjurmë “ , ku këtë herë jemi zhvendosur në shtetin norvegjez, aty ku e ka edhe pikënisjen kjo histori. Historia nis më 5 prill në vitin 2015, atëherë ku babai i tre fëmijëve 44-vjeçari Kristo Dajko shkon për të kërkuar azil në Norvegji .

Pasi i refuzohet e drejta në këtë vend, babai me djalin nisen drejt Suedisë, ku qëndrojnë për pak ditë dhe më pas Kristo e lë djalin në një kamp atje dhe vetë udhëton për në Itali.

Bashkëshortja ka rrëfyer për herë të parë në studion e emisionit “Pa gjurmë” se si 44 vjeçari bashkëshorti i saj, kishtë përgatitur dokumentat, me qëllim të largohej jashtë vendit për të kërkuar azil. Sipas bashkëshortes, telefonata e fundit me bashkëshortin e nisur në emigrim ka qenë ajo e datës 22 prill të vitit 2015, nga Italia dhe që atëherë 44 vjeçari kishtë shkëputur çdo kontakt me familjen e tij. Që atëherë Kristo ka humbur çdo komunikim dhe familja nuk di më asgjë për fatin e tij.

 U nisën më 5 prill të vitit 2015, bashkëshorti së bashku me djalin . Djali ishte 15 vjeç kur e la të vetëm djalin në Suedi. Më 15 prill më ka kontaktuardhe telefonata e fundit me bashkëshortin ka qenë më 22 prill në darkë nga Italia. Që nga kjo datë unë nuk kam komunikuar më me bashkëshortin. Djali ndërkohë qëndroi për 2 vite në Suedi, ku e dërgoi i ati , ndëkohë që ai vetë u kthye në Itali.

Bashkëshortja e Kristo Dajkos

Më tej bashkëshortja tregoi se si gjatë qëndrimit në Itali, i shoqi i kishte kërkuar vazhdimisht para familjes, që të paguante biletën për t’u rikthyer,  por ai nuk u kthye më në Shqipëri.

I dërgonja lekë. Njëherë i dërguam lekë me anë të një kushuriri që ishte në Itali. Dy herë i dërgova unë. Dhe herën e katërt, ishte hera e fundit që më tha se më kanë mbaruar lekët. Më tha se pashaportën ia kishin grisur në pikën e kontrollit. Herën e fundit që folëm i thashë bën ç’bën vetëm merr në telefon. Ishte hera e fundit kur, telefonata me të u ndërpre.

Bashkëshortja e Kristo Dajkos

Ndërkohë, në studio ka folur edhe vajza e 44 vjeçarit Kristo Dajko e cila prej tre vitesh  e vuan  ndjenjën e mungesës së të atit, i cili prej prej 3-vitesh ka humbur komunikimin më familjen. E prekur ajo pati dhe një mesazh për të atin.

Nëse është gjallë ose është në gjëndje të komunikojë,ta bëjë për ne. E duam shumë dhe duhet të kthehet.

Vajza e Kristo Dajkos 

Kristi tashmë ka lënë në pritje bashkëshorten me tre fëmijë, dy vajza dhe një djalë. Ky i fundit është pranë familjes dhe jeton në qytetin e Korçës me nënën dhe dy motrat e tij. Të gjithë janë në kërkim të Kristo Dajkos, i cili ka emigruer qysh herët prej shumë vitesh edhe në shtetin fqinj Greqi. Familjarët deklarojnë se në dijeninë e tyre Kristo nuk ka pasur asnjë konflikt me askënd. Ata bëjnë thirrje për këdo që mund të ketë informacion duke e bërë publik rastin në studion e emisionit ’’Pa gjurmë’’.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19