Një aksident është shënuar paraditen e sotme rreth orës 09:55 në vendin e quajtur ish-postblloku apo kalimi i hekurudhës.
Në hyrjen veriore të Lushnjës një mjet tip 'Skoda fabia' me targa AA 178 YL, i drejtuar nga një 22-vjeçar me inicialet E. D, ka përfunduar duke u përplasur me një nga godinat e hekurudhës shqiptare, ndërsa para se të përplasej ka goditur dhe nje 68-vjeçar që udhëtonte me biçikletë.
Shpejtësia e madhe në këtë segment të drejtë, por edhe biçikletat e tregtarëve ambulantë që furnizohen në tregun e shumicës së fruta perimeve janë bërë shpesh herë shkak për aksidente.
Drejtuesi i biçikletës, me inicialet Q. M, është marrë me urgjencë për t'u dërguar në spitalin e Traumës në Tiranë, për të marrë mjekim dhe gjendja e tij sipas mjekëve është jashtë rrezikut për jetën. Nga ana e saj policia në vendngjarje po heton për shkaqet e aksidentit dhe ka shoqëruar të riun 22-vjeçar nga qyteti i Fierit për të zbardhur rrethanat e aksidentit.
Në këtë vend është e disata herë që makinat përfundojnë në godinën e hekurudhës. Vetëm një vit më parë një tjetër i ri humbi jetën nga përplasja me këtë godinë, ndërsa sot fatmirësisht nuk kemi viktima.
Ndërkohë më herët dy persona janë vënë në prangat e policisë Lushnje për shkak të aksidenteve rrugore.
Më konkretisht shtetasi më inicialet L. B, banues në Këlcyrë, pasi të dielën në fshatin Eskaj të Lushnjes duke drejtuar pa leje drejtimi motoçikletën tip “KINRON”, ka humbur kontrollin dhe ka aksidentuar shtetasin V. P., 66 vjeç, banues në Bubullimë, i cili u dërgua për mjekim në spitalin e traumës Tiranë.
Ndërkohë policia e Lushnjes ka arrestuar edhe shtetasin B. M, 27 vjeç dhe banues në Lushnje pasi në fshatin Krutje e Poshtme, duke drejtuar në gjendje të dehur mjetin tip “Volksëagen”, është përplasur me një motocikletë që drejtohej nga shtetasi S. D., 38 vjeç, banues në Lushnje, dhe për pasojë drejtuesi i motocikletës ndodhet në Spitalin e Lushnjes nën kujdesin e mjekëve.
Lajme të tjera
-
I droguar në timon, shoferi i Benzit përfundon tek dy biznese në Tiranë! Vihet në pranga
20 Korrik, 19:37 -
Furgoni me turistë shqiptarë përplaset në Katania të Siçilisë, 16 të plagosur (FOTO)
20 Korrik, 17:39 -
Varrezat e reja në Lushnjë, opozita: Janë ndërtuar në vend të papërshtatshëm
20 Korrik, 12:55
-
Një copëz parajse bujqësore e mbjellë me luledielli... pamje mahnitëse nga fushat në Lushnjë
20 Korrik, 09:31 -
Aksident në Karbunarë të Lushnjes, humb jetën drejtuesi i biçikletës pas përplasjes me motorin! Motoristi në gjendje të rëndë (VIDEO)
19 Korrik, 12:55 -
Lezhë/ Aksidenti i frikshëm në superstradë, përplasen 2 makina! Njëra përfundon në parkingun e lokalit e dëmton 8 të tjera
18 Korrik, 22:43 -
“Kabaja Myzeqare!” Tradita e sazeve, pasuria kulturore në mes të popullit
18 Korrik, 16:01
-
Greqi/ Plagoset rëndë shqiptari, 42-vjeçari humbi kontrollin e mjetit dhe u përplas me një pemë ulliri
15 Korrik, 09:47 -
Efektivi përplas me makinën e Policisë këmbësorin në Vlorë, dërgohet në spital
13 Korrik, 20:59 -
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Bënin video me natyrë seksuale me djalin 2-vjeç dhe i postonin në Tik-Tok, arrestohet çifti në Lushnjë
12 Korrik, 14:07 -
Fier/ Gomari shkakton aksident në aksin Fier-Lushnjë, përplasen 4 mjete
12 Korrik, 08:47
