Receta

Pacarok me të brendshme qengji nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 30 Shtator, 11:43 | Përditesimi: 30 Shtator, 11:44

Pacarok me të brendshme qengji

Përbërësit:

1 kg zorrë e paçe qengji
300 gr miell misri
100 gr miell gruri
300 ml kos e ujë
2 kokrra vezë
2 fk vaj ulliri
1 lugë kafeje sodë
Kripë, piper i zi
Pak gjalpë

Përgatitja:

LEXO EDHE:
Pulë me oriz në furrë nga zonja Albana

Lajmë zorrët dhe paçen dhe i vendosim të ziejnë me pak kripë derisa të jenë zbutur. Derdhim lëngun dhe i lëmë të kullojnë e të ftohen. I grijmë në copa të vogla dhe i vendosim në zjarr në një tigan. I skuqim pak me 4 lugë vaj, sa të pinë lëngun. I hedhim pak piper të zi dhe i heqim nga zjarri. Ndërkohë në një tenxhere hedhim 250 ml kos e 50 ml ujë, 1 lugë kafeje kripë, vajin e ullirit, miellin dhe i përziejmë. E vendosim tenxheren pak në zjarr të ulët, sa të vaket. E heqim nga zjarri e i bashkojmë me zorrët dhe paçen. Shtojmë edhe sodën dhe i përziejmë. E hedhim në tepsi dhe e pjekim në sobë të nxehur, në temperaturë 180 gradë, për 45 minuta. Kur kanë kaluar 25 minuta në pjekje, i spërkasim me gjalpë dhe me pak kos të holluar që në përfundim të pjekjes të marrë ngjyrë të kuqërremtë.