Receta

Pacarok, Pispili me presh nga zonja Lefteri Gjoshe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 26 Mars, 12:11 | Përditesimi: 27 Mars, 13:39

Pacarok - Pispili me presh

Përbërësit:

500 gr miell misri i imët i verdhë
2 lugë miell gruri
5 presh
3 vezë
250 gr gjizë
500 ml qumësht
250 ml kos
200 ml vaj
Kripë, piper i zi

Përgatitja:

LEXO EDHE:
Fërgesë me speca, gjizë dhe domate nga zonja Albana

Preshin e grirë imët e vendosim të kaurdiset mirë derisa të ulet vëllimi dhe të zbutet. Më pas shtojmë tek preshi gjizën, qumështin, kosin, vezët, kripën dhe piperin e zi. E lëmë të gatuhet dhe në fund shtojmë 1 lugë miell gruri. Lyejmë një tavë me pak vaj ulliri dhe e spërkasim mirë më miell misri të verdhë duke realizuar një shtresë të bollshme. Tek mielli i misrit kemi shtuar shumë pak miell gruri. Me kujdes e spërkasim të githë sipërfaqen e miellit me ujë që të njomet mirë. Masën e përgatitur të preshit e vendosim në tavë mbi shtresën e miellin të misrit. E nivelojmë mirë dhe nëjsoj siç vepruam me bazën e pispilisë spërkasim mbushjen mirë me miell misri. Në një enë me pak yndurë shtojmë kos dhe e hedhim lugë-lugë mbi shtresën e miellit të misrit. E vendosim pacarokun të piqet në furrë të parangrohur në temperaturën 180 gradë Celsius derisa të marrë një ngjyrë të bukur në sipërfaqe.

MC/Shqiptarja.com

TAG: