Receta

Paçe koke nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 24 Shtator, 11:44 | Përditesimi: 24 Shtator, 11:45

Paçe koke

Përbërësit:

1 kokë (qengji, dele, dhie apo viçi)
1 kokërr qepë
5 lugë supe vaj
1 lugë supe gjalpë
4-5 thelpinj hudhra
1 lugë supe miell
1 lugë kafeje piper i kuq
7-8 kokrra piper i zi
1 gotë mesatare verë
2-3 lugë uthull
2 gjethe dafine
Pak majdanoz
Pak spec djegës
Kripë, rigon

Përgatitja:

LEXO EDHE:
Pulë e mbushur nga zonja Albana

Ziejmë kokën në zjarr mesatar me pak kripë. Veçojmë mishin dhe e kaurdisim së bashku me qepën e grirë shumë hollë, derisa qepa të jetë tretur. Shtojmë piperin e kuq dhe e përziejmë disa herë sa të marrë vaji ngjyrën e kuqe. E shuajmë me verë dhe uthull e më pas hedhim hudhrat e shtypura, piperin e zi, specin djegës, kripën dhe rigonin. Ujin e kemi nxehur dhe ia shtojmë paçes, aq sa racione duam të përgatisim. Në një tigan skuqim 1 lugë miell me gjalpë sa të marrë pak ngjyrë, e lëmë të ftohet dhe e tresim me pak ujë të ftohtë që të mos bëhet me kokrriza. E shtojmë në lëngun e paçes dhe e përziejmë mirë derisa të ajkoset. Hedhim gjethet e dafinës dhe majdanozin e grirë. E provojmë për shijen e kripës e të athtësisë. Të gjitha bashkë, duhet të ziejnë 5-6 minuta, pastaj e largojmë nga zjarri dhe e shërbejmë të ngrohtë.