Receta

Paçe tradicionale me plëndës nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Tetor 2023, 11:40 | Përditesimi: 17 Tetor 2023, 11:41

Paçe me plëndës

Përbërësit:

1.5 kg plëndës
5-6 kokrra piper
1 gjethe dafine
1 lgj vaj ulliri
1 lgj gjalpë
1 lç miell
1/2 lç salcë
Spec djegës
Kripë, piper

Për servirjen e plëndësit:

LEXO EDHE:
Pulë e mbushur nga zonja Albana

5-6 thelpinj hudhër
3 lgj uthull
1/2 lëng limoni
1-2 lgj vaj ulliri
Kripë, piper

Përgatitja:

Pasi e kemi larë plëndësin me ujë të ftohtë e kalojmë në ujë të përvëluar për rreth 30 sekonda. Më pas e pastrojmë derisa të zbardhet plotësisht. Plëndësin e pastruar dhe të larë mirë e vendosim të ziejë në ujë të ftohtë. Ndërkohë vendosim mbi sobë një qepë të piqet dhe më pas e shtojmë tek plëndësi bashkë me 1 gjethe dafine, disa kokrra piperi dhe kripë. Pasi ka zier, largojmë gjethen e dafinës, kullojmë lëngun dhe presim plëndësin në copëza të vogla. Në një tenxhere kaurdisim pak miell me gjalpë dhe vaj ulliri. Sapo mielli të marrë pak ngjyrë shtojmë salcën, e përziejmë mirë dhe hedhim lëngun e ngrohtë të plëndësit. E trazojmë mirë që të mos kokrrizohet. Sapo lëngu të fillojë të marrë valë vendosim copëzat e plëndësit dhe pak spec të kuq djegës. Shtypim hudhrat, shtojmë uthull, vaj ulliri, lëng limoni, kripë, piper. Paçen e plëndësit e servirim të ngrohtë duke hedhur në çdo pjatë nga 1 lugë nga salca e përgatitur me hudhër dhe uthull.

MC/Shqiptarja.com

TAG: