POP 5

Lajmet më të lexuara të 5 minutave të fundit

Arkiva

Paditë për korrupsion,
300 dosje flenë në Prokurori

300 dosje për korrupsion i janë dorëzuar Prokurorisë nga ana e mazhorancës. Nënkryetari i grupit parlamentar të Partisë Socialiste, Taulant Balla, deklaroi në studion e televizionin “A1 Report” se Prokuroria ka nisur hetimin për vetëm 10 dosje. 
TIRANE- 300 dosje për korrupsion i janë dorëzuar Prokurorisë nga ana e mazhorancës. Nënkryetari i grupit parlamentar të Partisë Socialiste, Taulant Balla, deklaroi në studion e televizionin “A1 Report” se Prokuroria ka nisur hetimin për vetëm 10 dosje. Sipas deputetit Balla, 192 nga këto kallëzime janë dorëzuar nga Ministria e Financave dhe institucionet e saj të varësisë. Ndërkaq 30 dosje janë dorëzuar në Prokurori edhe për ALUIZNI-n si edhe shumë dosje të tjera për Hipotekat. “Janë 300 dosje për korrupsion. 192 kallëzime janë vetëm nga Ministria e Financave dhe institucionet e varësisë së saj, tatime, dogana. Prokuroria po ecën ngadalë. Vetëm për 10 prej tyre kanë filluar të bëhen arrestimet dhe procedimet e mëtejshme penale. Nuk kemi hequr dorë nga asnjë akuzë që kemi bërë. Imami ka shitur një ton skrap me çmimin e një toni zhavorr.

Dhe kjo është dosje në Prokurori. Një ditë me urdhër të Berishës, Imami harxhoi një shumë të madhe parash për të blerë një pajisje për përgjim, ka përgjuar edhe të vetët. 3 dosje janë në ngarkim të ish-ministrit Imami, ndërkohë që ka dosje për ish-zyrtarë të tjerë të Ministrisë së Mbrojtjes. Janë harxhuar 17 milion dollarë nga shteti shqiptar, nga institucione të ndryshme që i kanë shkuar për reklama televizionit pranë ish-kryeministrit”,- theksoi Balla. Krahas kësaj, deputeti i PS-së deklaroi se Prokuroria duhet të rris tempin e saj dhe të vijoj me hetimet ku një ndër to duhet të jetë edhe çështja e biznesmenit Ansar.

Balla tha se është e pa pranueshme që Prokuroria të mos nis hetimin me argumentin se nuk ka pasur dëm ekonomik pasi në të është fshehur një afer e tërë korruptive. Kodi Penal është i qartë për këtë rast. Dëm ekonomik ka, pasi mendoni dëmet e ekonomisë shqiptare nëse do ishin investuar ato para. Ka konflikt interesash. Por edhe shpërdorim detyre. Ka tre raste që duhen hetuar. Problematike është edhe kontrata që i imponohet biznesmenit. Korrupsioni për të cilin është sot ish-kryeministri i Kroacisë ngjan me rastin e marrëdhënies me zotin Ansar. Ka raste të ngjashme, ku drejtësia e vendeve pranë Shqipërisë e ka bërë punën e vet”,- theksoi Balla.

Shkrimi u publikua sot 2 maj 2014 në gazetën Shqiptarja.com (print)

Redaksia online
(d.a/shqiptarja.com) 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31