Pafajësia e Metës, Rama:
Skënderbeu do të turpërohej

LUSHNJE – Ka mbërritur reagimi i parë, i kryetarit të PS, Edi Rama lidhur me vendimin e djeshëm të Gjykatës së Lartë për Ilir Metën. Gjatë fjalës së tij në takimin me kryekomunarët e jugut të vendit, Rama tha se vendimi i djeshëm i Gjykatës është tallje cinike me njerëzit e thjeshtë.
“U bëmë dëshmitarë të një momenti dramatik. Vendimi për Metën është hap drejte vendosjes së regjimit të padrejtësisë. Ka vetëm një rrugë për të rrëzuar këtë gjendje skandaloze dhe kjo është rruga e alternativës europiane. Ps e ka marrë përsipër këtë rrugë. Vetëm vota mund të sjellë ndryshimin e madh. Ndaj ne do të bëjmë shqiptarët bashkëpronarë të programit të ri qeverisës”, ka deklaruar Rama në Lushnje.

RAMA NË TWITTER: SKËNDERBEU DO TURPËROHEJ
Pak minuta pas fjalës së kryeministrit Berisha në Kuvend për 100 vjetorin e pavarësisë dhe vlerësimin ndaj figurës së Skëndërbeut, kryesocialisti Rama ka reaguar edhe ne rrjetin social TWitter.
“Skënderbeu dhe gjithë etërit e kombit e të pavarësisë shqiptare do ndjeheshin sot të turpëruar nga llumi i drejtësisë pas 100 vjet pavarësi! E turpëruar ndjehet sot edhe Europa që dje u pengua nga drejësia në përpjekjen për ta pa kandiduar Shqipërinë në BE në vitin e pavarësisë!”, shkruan kryetari i PS.

(aq/shqiptarja.com)