Pajisje të reja në maternitetin e Durrësit, Manastirliu: Investime në 11 spitalet rajonale

Spitali i Durrësit është pajisur me aparatura të teknologjisë së lartë në shërbimin onkologjik, në patologji, maternitet dhe konsultorin e nënës dhe fëmijës.

“Kujdesi për nënën dhe fëmijën është në qendër të politikave tona shëndetësore, ndaj po investojmë për fuqizimin e materniteteve me aparatura moderne, për të garantuar shërbim cilësor dhe afër vendbanimit”, tha Ministrja e Shëndetësisë dhe Mbrotjes Sociale, Ogerta Manastirliu, gjatë vizitës në spitalin e Durrësit.

Ky spital është pajisur me pesë ekografi të teknologjisë së lartë, inkubatorë të lëvizshëm, inkubatorë transporti dhe një sërë pajisjesh moderne që rrisin cilësinë e diagnostikimit dhe kujdesit për nënën dhe fëmijën.
Ministrja Manastirliu u shpreh se po investohet për fuqizimin e 11 spitaleve rajonale.

“Jo vetëm spitali i Durrësit por të gjitha spitalet rajonale janë pajisur me aparatura të telnologjisë së lartë. Ne po investojmë për rijetësimin e materniteteve në të gjithë vendin”,-tha Manastirliu. 
Brenda këtij viti hapen maternitetet e reja të Korçës dhe Sarandës, ndërsa po bëhen projektet, për të vijuar me investime të munguara ndër vite në disa spitale rajonale dhe bashkiake, si në Lezhë, Berat, Mat, Pogradec, etj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen