Pakënaqësitë e para/Deputeti i PD
sulmon LSI: E kanë mendjen te thesi

Buxheti i vitit 2018 në Këshillin Bashkiak të Tiranës u miratua dje edhe me 4 votat e këshilltarëve të LSI-së. Ata janë larguar nga radhët e LSI një muaj më parë kur edhe bashkuan votat për projektvendimet e Erion Veliajt, ndërsa dje faktuan se largimi i tyre nga LSI është zyrtar.

Për këtë, deputeti i parë demokrat që ka reaguar me thumbime ndaj LSI-së është Agron Shehaj i cili shkruan në një status në profilin e tij në Facebook: “LSI bashkoi votat me PS në Këshillin Bashkiak të Tiranës. Këta e kanë mendjen vetëm tek thesi. Socialistët mjeshtra në blerjen e votës. Por opozita nuk është pazar!“, shkruan Shehaj. 


(Statusi i deputetit të PD Agron Shehaj)

Pakënaqësi ndaj Bashës dhe aleancës së tij me LSI kanë edhe aleatët e djathtë. Jo pa qëllim dy ditë më parë Agron Duka mblodhi aleatët e djathtë dhe bëri bashkë me ta edhe Bamir Topin e FRD dhe Ben Blushin e LIBRA-s. Një mesazh i qartë ky se në radhët e të djathtës ka pakënaqësi dhe xhelozi për flirtin politik të Bashës me Kryemadhin. 

Redaksia Online
l.q/Shqiptarja.com