POP 5

Lajmet më të lexuara të 5 minutave të fundit

Politikë

Paketa antishpifje, Balla: Jemi tërhequr në ndryshimet e ligjit për median! Ekziston rreziku i financimit rus nëpër media

Kreu i grupit parlamentar të PS, Taulant Balla është shprehur se ndryshimet për ligjin e medias janë tërhequr nga propozuesit. Në një deklaratë para mediave nga Fieri, u shpreh se në Kuvend vijon të qëndrojë rezoluta kundër dezinformimit pasi ekziston rreziku i financimit të mediave nga Rusia.

Nga Fieri ku mori pjesë ne një aktivitet sensibilizues në kuadër të tetorit rozë, organizuar nga Spitali  rajonal Fier, kreu i grupit parlamentar socialist, Taulant Balla është ndalur tek paketa antishpifje. Ky i fundit është shprehur se ndryshimet për ligjin e medias tashmë janë tërhequr nga propozuesit.  Në një deklaratë para mediave, u shpreh se në Kuvend vijon të qëndrojë rezoluta kundër dezinformimit pasi ekziston rreziku i financimit të mediave nga Rusia.

“E para, dua t’ju them se ndryshimet në ligjin për median, që kanë të bëjnë me shpifjen janë tërhequr nga propozuesi. Kur propozuesi tërhiqet, e gjithë iniciativa ligjore bie. Dua t’ju rikonfirmoj se ne e kemi tërhequr ato ndryshime ligjore që janë bërë para tre vitesh.

Në kushtet që jemi, edhe në shumë vende ka rezoluta në PE kundër dezinformimit dhe ne kemi miratuar një rezolutë të tillë dhe në fakt kemi një rrezik të vazhdueshëm që sponsorizohet me rublat ruse. U tha qartë që Rusia ka ndikuar në minimin e demokracisë, duke favorizuar edhe mediat. Ky pushtet i katërt duhet të mos bjerë në financimet e paligjshme nga aktorët që minojnë demokracinë. Duhet të mendojmë mekanizmat si të mbrojmë demokracinë duke mbrojtur financime nga aktorë jo miqësorë. Është sfidë e përbashkët. Jetojmë në një epokë të një rreziku të madh që vjen prej agresionit rus dhe nuk është luftë vetëm me Ukrainën, por dhe me demokracinë”,- tha  Balla.

Në prag të zgjedhjeve vendore pritet të nisë edhe një tur takimesh në të gjithë vendin, gjatë të cilit do të vlerësohen punët e kryera nga të gjithe kandidatët, ndërsa Fieri është vlerësuar si qershia mbi tortë e rezultateve pozitive të PS. I pyetur nëse ka klane brenda PS në Fier, Balla është shprehur se kjo mbetet vetëm një shpresë e opozitës, pasi PS nuk është e përçarë. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Suljoti: 20/10/2022 09:25

    Ky Taulant Balla eshte gallataxhi i madh. Ne njeren ane shpif ne tjetren nxjerr projektligje antishpifje.

    Përgjigju
  • Arbërori: 18/10/2022 20:51

    Po kush paguhet më shumë se ti dhe Edvin shkjau shqipfolës nga Putini o i pështirë, o Taulant Daçiçi shqipfolës

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01