Për prezantimin e Paketës së Sigurisë në Shkolla, ministri i Brendshëm Taulant Balla, së bashku me drejtues lokalë dhe drejtues të Policisë së Shtetit, ishin sot në mjediset e Shkollës së Muzikës ‘Jan Kukuzeli’ në Durrës.
Ministri theksoi se si pjesë e paketës është parashikuar dyfishimi i ndëshkimit ligjor, për disa vepra penale që mund të ndodhin brenda atij që njihet si perimetri i sigurisë përreth objekteve arsimore.
”Jemi këtu për të parë nga afër masat në kuadër të kësaj pakete dhe masat në kuadër të nisjes së vitit të ri shkollor. Dua ta them qartë se Policia e Shtetit do të marrë një përgjegjësi edhe më të madhe në drejtim të garantimit të sigurisë publike në shkolla dhe përreth saj. Fenomeni i shpërndarjes së lëndëve narkotike tek moshat e reja është një sfidë e madhe e imja personalisht, si ministër i Brendshëm dhe Policisë së Shtetit, ndaj së cilës duhet të reagojmë me më shumë forcë se asnjë herë tjetër me parë.
Pjesë e kësaj pakete janë konceptuar edhe një sërë ndryshimesh që do të bëhen publike në ditët në vijim. Ato kanë të bëjmë me ndryshime në Kodin Penal. Duhet ta ketë që qartë kushdo që është i përfshirë në rrjetet të trafikut apo shpërndarjes së lëndëve narkotike se do të përballet me dënime të dyfishta, pranë shkollave. Këtë praktikë të re ta ndjekim edhe për vepra të tjera penale siç janë armëmbajtja pa leje, armë zjarri apo të ftohta, brenda perimetrit të sigurisë do të propozojmë dyfishim të dënimit. Mendojmë se kjo do të rritë sigurinë brenda perimetrit të sigurisë. Koncepti i ri i perimetrit të sigurisë nuk është oborri i shkollës, shkon përtej, në rrugët, rrugicat, baret, restorantet që rrethojnë shkollën.
Dhe pastaj, gjithë autoritetet, AKU do të kontrollojë cilësinë e ushqimit që shitet në njësitë e shërbimit, Inspektorati Shëndetësor do të kontrollojë me shumë kujdes veprimtarinë e bareve etj., për të mos lejuar shitjen e alkoolit nën moshë. Të gjitha njësitë e shërbimit përreth shkollës, nëse përfshihen në veprimtari kriminale, larg qoftë për ta, në dëm të shëndetit të fëmijëve e interesit publik do të mbyllen përfundimisht e nuk do të hapen asnjëherë”, tha ministri Balla.
Paketa e Sigurisë në Shkolla, përmes angazhimit të shumë strukturave, synon të garantojë një nivel tjetër sigurie pranë institucioneve arsimore. Ajo përfshin masa për sigurinë publike, rrugore, ushqimore, higjienën apo sigurinë urbane.
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
Rënia e temperaturave, aktivizohet ngrohja në shkollat e Lezhës
19 Nëntor, 15:17
