Policia e Manchesterit ka shpërthyer në mënyrë të kontrolluar pakon e dyshimtë e cila u gjet në stadiumin Old Trafford ku do të luhej ndeshja Manchester United Bournemouth.
Ndeshja mes dy skuadrave është anuluar për arsye sigurie. Autoritetet dhanë alarmin e kuq, ndërsa të gjithë tifozët u evakuan nga shkallët e stadiumit “Old Trafford”.
Sipas mediave britanike, në stadium ishte gjetur një pako e dyshimtë, nje telefon i lidhur me tubat hidraulike të banjës duke detyruar që njësitë speciale të marrin situatën nën kontroll.
Fillimisht u njoftua se ndeshja do të shtyhet 45 minuta por më pas u vendos që takimi të mos zhvillohet . Ende nuk dihet se kur do te zhvillohet ndeshja.
Ndeshja e kësaj të diele kishte një rëndësi të veçantë për Manchester United, pasi ekipi luan për zonën e Champions-it dhe pretendon të kapë vendin e katërt që mbahet nga Manchester City.
Redaksia Online
(m.ç/Shqiptarja.com)
![](https://www.shqiptarja.com/template/img/sh_logo1.png)