Pako e dyshimtë në Sauk, alarmi
rezultoi i rremë, kishte polisterol

Ka rezultuar fals alarmi për një pako të dyshimte që ishte vendosur në Sauk tek rrethrrotullimi i Sanatoriumit.

Në orën 19:40 policia mori një telefonate për një pako të dyshimte, por pas veprimeve të efektivëve rezultoi se pakoja e mbështjellë me natriban dhe që ishte rreth 40 cm kishte brenda polisterol.

Konstatimi i pakos së dyshimte shkaktoi panik tek qytetarët, por ndërhyrja e menjëhershme e njesisë antieksploziv të policisë zbuloi se kishim të bënim me një alarm fals dhe se brenda pakos nuk kishte lëndë plasesë.

Pakoja u gjet në një trotuar pranë një servisi automjetesh.









(Foto nga vendi i ngjarjes)


Njoftimi i policisë:

Është marrë nje telefonate rreth orës 19:40, ku raportohet se në Sauk, tek rreth-rrotullimi, është konstatuar një pako e dyshimtë e mbështjellë me natriban, me përmasa 20-40cm. Shërbimet policore në vendngjarje,kanë rrethuar vendin e ngjarjes  po kryejnë veprimet procedurale.

• Share