Kryetari i Bashkisë së Tiranës, Erion Veliaj priti në një takim kryetarin e Bashkisë së Mantovës, Mattia Palazzi, me të cilin bisedoi rreth mundësisë së shkëmbimit të eksperiencave të suksesshme dhe rritjes së bashkëpunimit në disa fusha. Palazzi, sipas njoftimit të zyrës së shtypit të bashkisë, vlerësoi ndryshimet që po pëson Tirana dhe theksoi se ky është një shembull i mirë që duhet ndjekur edhe nga të tjerët.
“Tirana është një qytet që po rritet me hapa të shpejtë dhe në rritjen e saj po përpiqet të përqafojë dhe përfshijë të gjithë, sepse ky është roli i një kryeqyteti. Nuk ka asnjë dyshim, të festosh 100 vite kryeqytet, do të thotë të vihesh përballë kësaj sfide, gjë të cilën ju po e bëni shumë mirë, nëpërmjet punës së shkëlqyer të ekipit, me një staf të ri, gjë e cila bën edhe diferencën me ide moderne evropiane. Puna që keni bërë në këtë shesh të bukur e pasqyron më së miri këtë. T’u rikthesh hapësirat e gjelbra qytetarëve, kjo është një politikë shumë e rëndësishme, është politika e së ardhmes” tha ai.
Teksa i dorëzoi Kullën e Sahatit, kryebashkiaku Veliaj tha se në këtë 100 vjetor do të ketë një sërë aktivitetesh të rëndësishme. “Ky është takimi ynë i parë me një kryetar bashkie në shekullin e dytë të Tiranës. I gjithë viti do të jetë një vit festimesh. Jam shumë i lumtur që këtë shekull të dytë e hapëm me një mik shumë të mirë të Shqipërisë, por sidomos të Tiranës. Besoj se në finale, pavarësisht se raportet e Shqipërisë dhe Italisë janë perfekte, raportet mes qyteteve, ku jetojnë njerëzit prej vërteti, që bëjnë shkëmbimet reale, si në kulturë, biznes, studime, janë ato që i mbajnë popujt bashkë” tha Veliaj.
Një prej bashkëpunimeve është edhe ai për Festivalin e Letërsisë që mbahet në Mantova, ku letërsia shqiptare do të ketë një pavion të veçantë. “Shumë njerëz mund të thonë çfarë lidhjeje ka Tirana me Mantovan. Jemi dy qytete numër 1 për mbjelljen e pemëve, jemi qyteti numër 1 për pistat e biçikletave dhe unë besoj se për të gjithë ata që e duan Tiranën si jashtë shtetit, bëhet kështu: duke mbjellë më shumë pemë, më shumë pista biçikletash, më shumë transport elektrik, si taksitë elektrike që na erdhën në Tiranë. E ardhmja e qyteteve tona lidhet kryesisht me këto lloj emrash. Ndërkohë, jam shumë mirënjohës për të gjithë ndihmën që na ka dhënë për të mikpritur Tiranën dhe për t’i dhënë një sallon dhe një vëmendje speciale në ekspozitën dhe në të gjithë panairet që bëhen në Mantova, sidomos në panairin dhe festivalin e letërsisë” deklaroi ai.
Mantova ka qenë Kryeqyteti Europian i Kulturës, ndaj Veliaj dhe Palazzi ranë dakord për të ndarë përvojat dhe përgatitjen e qytetit tonë si Kryeqyteti Europian i Rinisë 2022. “Mezi pres që të vazhdojmë këtë bashkëpunim dhe do të përgatitemi, jo vetëm që në 100-vjetorin e Tiranës të kemi një prezencë dinjitoze në Festivalin e Letërsisë në Mantova, por duam të mësojmë nga më të mirët edhe për vitin 2022, ku do të jemi Kryeqyteti Europian i Rinisë. Mantova ka qenë Kryeqyteti Europian i Kulturës; do të përdorim këtë hapësirë dy-vjeçare që ekspertët tanë të përgatisin një vit europian të rinisë në qytetin e Tiranës për të mos u harruar dhe për t’u kthyer në një etalon se çfarë do të thotë një organizim dinjitoz, evropian i aktiviteteve. Ashtu siç më tregoi Mattia, këto janë mundësi fantastike, e vë qytetin në hartë, flet gjithë Europa për kryeqytetin tënd, nëse je i kulturës apo i rinisë. Duam të mësojmë nga më të mirët”, u shpreh Veliaj, sipas njoftimit të bashkisë. Në shenjë të miqësisë mes dy qyteteve, kryebashkiakët Veliaj dhe Palazzi mbollën edhe një pemë në sheshin “Europa”.
Komente
Lajme të tjera
-
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Vicenza/ Trafikonin dhe xhironin 3,3 mln euro kokainë në vit, shkatërrohet grupi italo-shqiptar! 11 të arrestuar e 4 në kërkim, hetime dhe në Shqipëri (EMRAT+FOTOT)
20 Nëntor, 19:53 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50
HABITEM SESI E VOTOJNE KETE PLEHRE populli I tiranes,,,,,ne fushate tha se nuk do lejoj ndertime pallatesh sepse kemi shume pallate te pashitura,,,,kurse sapo mori zyren dha me qindra leje pallatesh ,,dhe prape populli e voton,,,,nuk ka vend me ne tirane per ndonje lulishte,,fushe sporti,,vetem beton e pallate ,,tani do te beje tek ish ekspozita shqiperia sot nje pallat tjeter gjigand,,,,edhe para ekspozites ka qene nje lulishte e madhe qe shkonte gjer tek gjykata e faktit, ,,ish ministria e energjitikes,,,,edhe ate lulishte e pushtoi rama me pallate...TIRANA U SHKATARRUA NGA KETA TE DY,,RAMA E VELIAJ,,,KURSE POPULLI VAZHDON E I JEP VOTEN,,,NA PERSHTATET SHPREHJA POPULL QE KA QEVERINE QE MERITON...
Përgjigju