Receta

Palëpetë me arra dhe rrush të thatë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 4 Tetor 2023, 11:49 | Përditesimi: 4 Tetor 2023, 11:51

Palëpetë me arra dhe rrush të thatë

Përbërësit:

400 gr miell
5 vezě
7-8 lugë qumësht / ujë
100 gr gjalpë i shkrirë ose vaj
1 bustinë vanilje
Pak kripë
Për mbushje:
200 gr arra të bluara,
50 gr sheqer pluhur
50 gr rrush të thatë

Përgatitja:

LEXO EDHE:
Fasule me pastërma nga zonja Albana

Rrahim vezët, shtojmë qumështin, gjalpin e shkrirë ose vajin, kripën, vaniljen dhe miellin e situr. E trazojmë mirë derisa të realizojmë një brumë të hollë. Lyejmë një tigan të sheshtë me pak vaj dhe hedhim brumin me garuzhde. E lakojmë tiganin nga të gjitha anët duke e hapur brumin në të gjithë sipërfaqen dhe i pjekim nga të dy anët, i palosim në pjatë të cekët njëra mbi tjetrën derisa të mbarojë brumi. Çdo njërës i hedhim nga pak sheqer pluhur, arra të bluara, rrush të thatë dhe i mbështjellim role njëra pranë tjetrës. Palēpetët apo krepat mund t'i lyejmë dhe me pak reçel ose çokollatë sipas dëshirës.

MC/Shqiptarja.com

TAG: