POP 5

Lajmet më të lexuara të 5 minutave të fundit

Arkiva

Palestinë, dyshime për vdekjen
e Arafatit, të martën zhvarrosja

Trupi i udhëheqësit palestinez Jaser Arafat do të zhvarroset të martën, thanë zyrtarët palestinezë. Kufoma do ti nënshtrohet një ekspertize për të verifikuar nëse vdekja e tij në Paris në vitin 2004 u shkaktua nga helmimi.
PALESTINE - Trupi i udhëheqësit palestinez Jaser Arafat do të zhvarroset të martën, thanë zyrtarët palestinezë. Kufoma do ti nënshtrohet një ekspertize për të verifikuar nëse vdekja e tij në Paris në vitin 2004 u shkaktua nga helmimi. Nga ekspertiza mjekoligjore e Arafat-it thuhet se ai kishte pësuar një hemorragji celebrale që i shkaktoj më pas vdekjen.

Gjatë analizave të bëra mbi sendet personale dhe kampionëve biologjikë të liderit palestinez, u gjend një nivel domethënës poloniumi - 210”, u shpjegua në një dokumentar nga disa ekspertë zvicerian.

Në gusht, prokurorët francez hapën një hetim për të zbardhur plotësisht shkaqet e vdekjes së tij .

E veja e tij, Suha i ka kërkuar Autoritetit Palestinez që të lejoj për zhvarrosjen e trupit të burrit të saj "për të zbuluar të vërtetën".

Shkencëtarët nga Franca, Zvicra dhe Rusia do të bëjnë analiza të tjera laboratorike për të zbardhur shkakun e vdekjes – tha ish-shefi i inteligjencës palestineze Tawfik Tirawi për gazetarët.

Trupi Arafatit do të rivarroset në të njëjtën ditë me nderime ushtarake.

Arafati, i cili udhëhoqi Organizatën Çlirimtare të Palestinës për 35 vjet dhe u bë presidenti i parë i Autoritetit Palestinez në vitin 1996, u sëmur në selinë e tij në Ramallah dhe vdiq në Paris më 11 nëntor të vitit 2004 në rrethana që mbeten ende misterioze.

Shumë palestinezë vazhdojnë të besojnë se Izraeli e helmuar atë. Por Izraeli ka mohuar çdo përfshirje.

Jaser Arafat kaloi një pjesë të mirë të jetës duke u munduar të mbronte të drejtat dhe njohjen nga Izraeli të popullit të tij.

(lc/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

VKM/ Krijohen dy programe të reja për mbështetjen e të rinjve! Muzhaqi: Do bashkëdrejtojnë me kryetarët e bashkive

VKM/ Krijohen dy programe të reja për mbështetjen e të rinjve! Muzhaqi: Do bashkëdrejtojnë me kryetarët e bashkive

16 Janar, 13:05