POP 5

Lajmet më të lexuara të 5 minutave të fundit

Kronikë

Pallati pa leje, Prokuroria çon për
gjykim dosjen ndaj Shpëtim Gjikës

Prokuroria e Vlorës ka përfunduar hetimin dhe ka dërguar për gjykim kërkesën ndaj kreut të Bashkisë së Vlorës, Shpëtim Gjika në lidhje me akuzat e ndërtimi të një pallati 11-katësh në Vlorë. Gjika do të përballet me akuzat e “Falsifikimit të dokumenteve” të kryer 7 herë, “Shpërdorimit të detyrës”, “Ndërtimi i paligjshëm” dhe "pengim i së vërtetës". Bashkë me Gjikën në bankën e të akuzuarve janë edhe Artur Haxhi, Doriana Behari (Sulaj), Ridvan Mersinaj.
ARKIVA - Lajmet e tjera për Dosjen Gjika
 
VLORË - Prokuroria e Vlorës ka përfunduar hetimin dhe ka dërguar për gjykim kërkesën ndaj kreut të Bashkisë së Vlorës, Shpëtim Gjika në lidhje me akuzat e ndërtimit të një pallati 11-katësh në Vlorë. Gjika do të përballet  me akuzat e “Falsifikimit të dokumenteve” , “Shpërdorimit të detyrës”, “Ndërtimi i paligjshëm” dhe pengim i së vërtetës.
 
Bashkë me Gjikën akuzohen edhe 3 persona të tjerë në lidhje me ndërtimin pa leje në Vlorë. Të akuzuarit e tjerë janë Artur Haxhi, Doriana Behari (Sulaj), Ridvan Mersinaj.

Burime nga Prokuroria e qytetit bregdetar bëjnë me dije se Gjika akuzohet për veprat penale “Falsifikimi të dokumenteve” të kryer nga personi që ka për detyrë të lëshojë dokumentin, të kryer shtatë herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim dhe “Veprime që pengojnë zbulimin e së vërtetës”.

Ndërkohë, Artur Haxhi, akuzohet për veprat penale “Falsifikim të dokumenteve” të kryer në bashkëpunim dhe më shumë se një herë dhe “Ndërtimi i paligjshëm” në tokën e tjetrit dhe në tokën shtetërore, të kryer në bashkëpunim.
 
Doriana Behari (Sulaj), akuzohet për veprat penale “Falsifikimit të dokumenteve” të kryer nga personi që ka për detyrë të lëshojë dokumentin, të kryer katër herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim.

Ndërsa Ridvan Mersinaj, nën akuzat për veprat penale “Falsifikimit të dokumenteve” dhe “Pastrimi i produkteve të veprës penale ose veprimtarisë kriminale”.

 
Njoftimi i Prokurorisë Vlorë
Prokuroria e Vlorës ka përfunduar hetimin dhe dërgon për gjykim kërkesën ndaj shtetasve:
 
1.Shpëtim Gjika,
AKUZUAR: Për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer shtatë herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim dhe “Veprime që pengojnë zbulimin e së vërtetës”, parashikuar  si vepra  penale nga nenet  186/3 e 25, 199a/2 e 25, 248 dhe 301 të K.Penal.
 
2.Artur Haxhi,
 
AKUZUAR: Për kryerjen e veprës penale të “Falsifikimit të dokumenteve” të kryer në bashkëpunim dhe më shumë se një herë dhe “Ndërtimi i paligjshëm” në tokën e tjetrit dhe në tokën shtetërore, të kryer në bashkëpunim, parashikuar  si vepra  penale nga nenet 186/2 dhe 199a/2 e 25 të K.Penal.
 
3.Doriana Behari (Sulaj) 
AKUZUAR:       Për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer katër herë dhe në bashkëpunim, “Shpërdorimit të detyrës”,  “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim, parashikuar  si vepra  penale nga nenet  186/3 e 25, 248 dhe 199a/2 e 25 të K.Penal.
 
4.Ridvan Mersinaj
 AKUZUAR: Për kryerjen e veprës penale të “Falsifikimit të dokumenteve” dhe “Pastrimi i produkteve të veprës penale ose veprimtarisë kriminale”, parashikuar  si vepra  penale nga nenet  186 dhe 287 gërma “d” të K.Penal.

Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zyrtare/ Nga Polonia në Slloveni, Jurgen Çelhaka ndryshon ekip

Zyrtare/ Nga Polonia në Slloveni, Jurgen Çelhaka ndryshon ekip

12 Janar, 22:57