POP 5

Lajmet më të lexuara të 5 minutave të fundit

Politikë

Paloka: Rama bllokon integrimin,
në 2013 do iki ku ka vendin

Autori i vërtetë i bllokimit të shqiptarëve është një pinjoll i komunistëve, i bllokmenëve shqiptarë Edi Rama, i cili edhe në 100-vjetorin e Pavarësisë u tregoi shqiptarëve se është kundër të ardhmes dhe interesave të tyre, u shpreh sot Paloka.
Paloka: Rama bllokon integrimin, <br />në 2013 do iki ku ka vendin
TIRANE - Autori i vërtetë i bllokimit të shqiptarëve është një pinjoll i komunistëve, i bllokmenëve shqiptarë Edi Rama, i cili edhe në 100-vjetorin e Pavarësisë u tregoi shqiptarëve se është kundër të ardhmes dhe interesave të tyre. Kjo ishte deklarata e sotme e deputetit të Partisë Demokratike, Edi Paloka. Në një konferencë për shtyp, Paloka tha se gjithë këto vite Rama ka tentuar të bllokojë të ardhmen e shqiptarëve.

“Dëgjuam këto ditë në Parlamentin Europian disa komunistë grekë, të cilët kundërshtonin me forcë anëtarësimin e Shqipërisë në Bashkimin Europian. Një hap që sigurisht revolton çdo shqiptar. Por çfarë mund t’u kërkojmë ne komunistëve grekë, kur autori i vërtetë i bllokimit të shqiptarëve është një pinjoll i komunistëve, i bllokmenëve shqiptarë: Kryetari i ish-Partisë Komuniste Shqiptare, i cili edhe në 100-vjetorin e Pavarësisë u tregoi shqiptarëve se është kundër të ardhmes dhe interesave të tyre. Anti-shqiptar duket si një epitet i rëndë, por në fund gjithsecili nga ne gjykohet për veprimet e tij dhe Rama në gjithë këto vite nuk ka bërë gjë tjetër veçse ka tentuar të bllokojë të ardhmen e shqiptarëve. Bllok kundër NATO-s, bllok kundër liberalizimit të vizave dhe tani për të tretën herë radhazi bllok për statusin e vendit kandidat për në Bashkimin Europian” u shpreh Paloka.

Më tej deputeti demokrat theksoi se Ramës i është kërkuar të linte mënjanë interesat personale dhe të votonte 3 ligjet por ai nuk pranoi.

“Për ditë me radhë shqiptarët, por edhe miqtë e mëdhenj të shqiptarëve deri te personalitetet më të larta të diplomacisë ndërkombëtare, i kërkuan Ramës të linte mënjanë interesat e tij dhe të punonte për interesat e shqiptarëve duke votuar tre ligje në Parlament si të vetmet kushte për realizimin e një hapi tjetër drejt integrimit. Por Rama, edhe këtë herë, vendosi të bashkohet me komunistët grekë kundër shqiptarëve. Dëmi që u solli shqiptarëve nuk janë vetëm ato miliona euro, që në një kohë të vështirë si kjo në fakt do t’u bënin mirë shqiptarëve dhe sidomos atyre për të cilët Rama bën sikur përgjërohet: shqiptarëve të varfër. Por, dëmi më i madh është ai moral. Dëmi i vërtetë është ai përballë miqve tanë europianë që nuk mund ta konceptojnë sesi një kryetar partie shqiptare mund të ngrihet kundër interesave të popullit të tij”, tha Paloka.

Në fund të deklaratës së tij Paloka deklaroi se 2013-ta do të jetë viti kur shqiptarët do ta çojnë Ramën përfundimisht aty ku i takon.

“Sidoqoftë Rama nuk mund të bllokojë natyrshmërinë dhe vendi i natyrshëm i shqiptarëve është Bashkimi Europian. Ky është bllokimi i fundit që ai po u bën shqiptarëve, sepse në 2013-ën, në fushatë, i ka mbetur t’u mburret shqiptarëve, siç po bën në fakt edhe tani, vetëm se është 2 metra i gjatë dhe madje pa taka. Pasi për asgjë tjetër nuk mund t’u mburret apo t’u thotë shqiptarëve se ka interesa të përbashkëta me ta.
Prandaj, 2013-ta do të jetë edhe viti kur shqiptarët do ta çojnë Ramën përfundimisht aty ku i takon”, përfundoi Paloka.

Redaksia online
(eç/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

26 Nëntor, 22:57