Receta

Paluze e pjekur në furrë me arra nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Nëntor, 11:28 | Përditesimi: 20 Nëntor, 11:30

Paluze e pjekur në furrë me arra

Përbërësit:

200 gr sheqer
500 ml ujë
500 ml qumësht
250 gr niseshte
3 lugë supe gjalpë
150 gr arra të grira
1 pako vanilje
1 e verdhë veze
Pak sheqer pluhur

Përgatitja:

LEXO EDHE:
Pulë e mbushur nga zonja Albana

Në fillim skuqim gjysmën e masës së sheqerit e më vonë hedhim gjysmën tjetër, më qëllim që të mos marrë ngjyrë shumë të errët. Hedhim ujin dhe 2 lugë gjalpë, e përziejmë derisa të tretet sheqeri. Shtojmë qumështin, në të cilin kemi tretur niseshtenë dhe vaniljen, duke e përzier vazhdimisht me një tel ëmbëlsirash. Kur e shohim që masa është ajkosur e trashur, e heqim nga zjarri dhe i shtojmë arrat e grira. E përziejmë mirë, që arrat të shpërndahen njësoj në të gjithë masën. Lyejmë tavën me pak gjalpë dhe shtrojmë masën e paluzes, të cilën e lyejmë me një të verdhë veze, të përzier me një lugë qumësht. I hedhim përsipër edhe pak gjalpë. E pjekim në furrë të nxehur, në 200 gradë për 25 minuta. E lëmë të ftohet, më pas e presim dhe e pudrosim me pak sheqer pluhur.