POP 5

Lajmet më të lexuara të 5 minutave të fundit

Bota

Pamje terrorizuese nga fronti i luftës Rusi-Ukrainë, shpiket droni flakëhedhës! Mister kush e ndërtoi, Moska: E bënë inxhinierët tanë! Ukraina: Shpikje e jona

Lufta po merr përmasa të frikshme, teksa pamjet e një video të publikuar nga mediat shfaqin një dron që lëshon flakë nga sipër mbi një pyll të vogël dhe e shkrumbon gjatë testimit ushtarak në kufirin ukrainas, teksa vetëshkatërrohet në fund. Me napalm apo lëndë termite?

Lufta mes Rusisë dhe Ukrainës ka kaluar në nivel tjetër. Jo vetëm fronte në terren dhe betejë me raketa, por edhe investim në teknologjinë ushtarake.

Dhe shpikja më e fundit ushtarako-inxhinierike duket se po i terrorizon që të gjithë në sheshin e luftimeve, pasi bëhet fjalë jo më për dronë që hedhin raketa nga lartësia dhe distanca të telekomanduar, por për një dron që hedh zjarr nga sipër.

Pamjet e frikshme janë publikuar edhe në media të ndryshme raporton “La Repubblica”, që e shoqëron me video momentin, teksa faqet pro-ruse e paraqesin atë si një armë të re të projektuar nga inxhinierët e Moskës. Nga ana tjetër, ukrainasit pretendojnë se është shpikje e tyre.

Por imazhet e dronit flakëhedhës janë ende mbresëlënëse dhe terrorizuese: Pajisja hedh një substancë ndezëse me saktësi, pastaj vetëshkatërrohet.

Qëllimi është i qartë: të eliminohen pozicionet e kamufluara në rreshtat e pemëve që karakterizojnë fshatrat e Ukrainës jugore. Ky është skenari kyç i të gjitha luftimeve të dy viteve të fundit. Kontrolli i atyre vijave vendos përleshjet.

Sipas disa burimeve që i referohen ekspertëve dhe inxhinierëve ushtarakë, droni përdor termitin: një përzierje që digjet për një kohë të gjatë në tokë dhe depërton në strehimore, e përdorur tashmë në kokat e raketave ruse, me efekte shkatërruese.

Burime të tjera megjithatë besojnë se është një substancë e ngjashme me napalmin. Një tjetër tmerr që materializohet në frontet e luftës.

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu