Pamjet e 'luftës' mes flakëve të helikopterit në malin e Krujës, përfundon operacioni ajror

Pas disa orësh përpjekje nga toka, për shkak të terrenit shumë të thepisur përmes AKMC është kerkuar nderhyrja nga ajri.

Më pas një helikopter Cougar i Forcave Ajrore ka bërë të mundur që zjarri të neutralizohet në disa vende.

I gjithë qielli është veshur me ngjyrat e perëndimit të diellit, si portokalii e rozë, pak para se të vinte nata.

Sot për fikjen e zjarrit në malin e Krujes janë angazhuar i gjithë stafi zjarrfikës i Krujës, punonjës të AKZM Durrës si dhe disa nga punëtorët e Drejtorisë së shërbimeve publike  të Bashkisë Krujë me mjete rrethanore, si lopatat.

Zjarri është fikur në anën e pasme të malit ndërsa nga pjesa ballore vijon ende.

Sapo është ndërprerë operacioni për shuarjen e flakëve dhe pritet që të shuhet gjatë natës pjesa ku vazhdon akoma vatra.

Neglizhenca e treguar nga ana e emergjencave civile, Ministria e Mbrojtjes dhe instancat përkatëse bëri që përpos pyjeve të vjetra të digjen dhe 40 mijë fidan pisha të mbjella para dy vitesh nga ana e bashkisë Krujë.

Dhe pse zjarret në rrethin e Krujës janë të shpeshta e të qëllimshme asnjë person nuk është perballur me drejtesinë për dëmet kolosale që i shkaktojnë mjedisit.

Foto nga Kruja

Lajmi kryesor:

Pamjet e 'luftës' mes flakëve të helikopterit, përfundon operacioni ajror malin e Krujës

/r.k./Shqiptarja.com

TAG:
• krujë
• zjarr