Kryeministri Rama ndau pamje nga kantieri i rrugës Shëngjin-Velipojë, që sipas tij, do të jetë së shpejti një nga rrugët turistike më spektakolare të Mesdheut falë peizazheve mahnitëse.

Në rrjetet sociale, kreu i qeverisë shkruan se ky është një ndër investimet kyçe për çlirimin e mëtejshëm të potencialit fantastik të turizmit në veriun e vendit.

Me punimet që vijojnë në mënyrë të pandërprerë, sipas tij, kjo rrugë do të jetë e kalueshme që në sezonin e ardhshëm veror, pas kapërcimit të një fragmenti të vështirë gjeologjik.

“MIRËMËNGJESI dhe me kantierin e rrugës Shëngjin-Velipojë, e cila do të jetë së shpejti një nga rrugët turistike më spektakolare të Mesdheut falë peizazheve mahnitëse, një nga investimet kyç për çlirimin e mëtejshëm të potencialit fantastik të turizmit në veriun e vendit, ku puna po vijon pa u ndalur për ta bërë të kalueshme qysh në sezonin e ardhshëm veror, pas kapërcimit të një fragmenti të vështirë gjeologjik, ju uroj një të diel të mbarë”, shkruan Rama.