POP 5

Lajmet më të lexuara të 5 minutave të fundit

Sociale

Panairi i 16-të, rikthehet festa e ëmbëlsirave në Maliq! Ekspozohen mjalti dhe prodhimet bio të zonës

Është rikthyer për të 16-tin vit rradhazi Festa e Ëmbëlsirave në Maliq të Korçës. Krahas prodhimeve bio dhe ëmbëlsirave gatuar nga duart e amvisave të zonës, panairit festiv këtë vit nuk i mungoi as kulaci i njohur i traditës apo edhe petaniku tradicional.

Tradita, ëmbëlsirat, mjalti, produktet bujqësore dhe blegtorale të zonës u bënë bashkë në edicionin e 16-të të Festës së Ëmbëlsirave në Maliq, të Korçës.

Në formën e panairit, gratë amvisa të zonës së Maliqit prezantuan produktet e larmishme të përgatitura vetë në kushtet e shtëpisë, ku krahas ëmbëlsirave u ekspozuan edhe prodhimet tradicionale bio të zonës.

Sinkron “Në festën e ëmbëlsirave, kemi sjellë pengjir, kompeka, kek me mollë, kek me lajthi, kadaif, kemi sjellë petulla, revaninë apo edhe kulaçin dhe nga të gjitha llojet që përdor zona jonë nga të gjitha llojet që përdor zona jonë, të sjella te gatuara nga zonjat e Maliqit”, thotë një amvisë.

“Kemi të gjithë produket bio të zonës së Gorës.Kryesisht nga blegtoria kemi mish qingji, djathë dhie, gjizë. Nga perimet kemi të gjithë llojët. Kemi sjellë fasule pllaqi, tavë me fasule pllaqi, lakrorë. Por kemi sjellë dhe raki thane, raki kumbulle që janë produkte bio, origjinale të zonës tonë të prodhuara vetë”, thotë një fermer.

Vitit të 16-të të festës nuk i munguan dhe petaniku, kulaci i njohur i traditës vendase apo edhe ekspozimi i zahireve të dimrit.

Sinkrone amvisë “Sot jemi mbledhur për festën e ëmbëlsirave. Ka 16 vjet që bëhet ky panair për ëmbëlsirat dhe blegtorinë. Amvisat sjellin nga gatimet e tyre si petulla të fshira, trileçe apo bakllava. Bletërritësit kanë sjellë mjaltin etj”.

Mbështetur nga Bashkia e Maliqit, në “Festën e ëmbëlsirave” këtë vit u bë pjesë dhe grupi i filarmonisë të Korinthit-Greqi dhe Pallatit të Kulturës “Dhimitër Orgocka Maliq” .

B.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57