POP 5

Lajmet më të lexuara të 5 minutave të fundit

Kronikë

Pandemia, 50 % emigranteve nuk vijnë për festa! Brenda 3 ditëve mbërritën 500 udhëtarë në portin e Vlorës (VIDEO)

Në portin e Vlorës vihet re një rritje e numrit të udhëtareve krahashuar me ditët e fundit, por sidoqoftë situata e pandemisë ka bërë që numri i tyre të jetë 50 për qind më pak se një vit më parë.

Gjatë tre ditëve të fundit është vënë re një rritje e lehtë e numrit të udhëtarëve në portin e Vlorës. Shefi i sektorit të përpunimit në port, Festim Skëndaj shprehet se pavarësisht fluksit në prag të Krishtlindjeve, numri i udhëtareve është 50 për qind më pak se e njëjta periudhë e vitit të kaluar.

“Fluksi para festave të Krishtlindjeve ka pasur një rritje në mbërritje. Këto 2-3 ditë ka patur rreth 500 pasagjerë, sot 116 , ndërsa pardje ishin 351 që ka qenë dhe dita me fluksin më të madh në ardhje. Nuk krahasohet viti, pasi pandemia vazhdon të jetë në ritme të larta. Ne jemi 50% në krahasim me vitin e kaluar si të ardhur. Edhe këtu nuk ka ndonjë njoftim në port se do të bllokohet në mënyrë zyrtare. Në qoftë në Itali do të bllokohet lëvizja mes rajonit siç është parashikuar, edhe autobusët ose pasagjerët po të nisen nga Durrësi apo nga Vlora nuk kanë se ku të shkojnë", tha Skëndaj.

Emigrantët që mbërritën në portin e Vlorës shprehen se janë kthyer për të festuar pranë familjeve, ndërsa kanë paraqitur testin negativ për Covid-19 në portin e Brindizit.

"Ndenjëm dy javë tek fëmijët, dhe u kthyem. S’kishim ndonjë problem atje ku ishim ne. Na matën temperaturën”, shprehet një emigrant.

“Si gjithmonë na kontrolluan për maskat, distancën. Kemi ardhur për festat”, shprehet një emigrant tjetër.

Për shkak të pandemisë, shumë rajone italiane janë në bllokim të pjesshëm dhe ndalohet lëvizja ndërmjet rajoneve deri më 6 janar. Sa i përket lëvizjes me tragete ndërmjet dy shteteve nuk ka asnjë vendim për mbyllje.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

24 Nëntor, 19:34