POP 5

Lajmet më të lexuara të 5 minutave të fundit

Kronikë

Këputet kabulli i tensionit të lartë, digjen pajisjet elektrike në banesat e Bradasheshit! Banorët: Shteti të vërë dorë se do digjemi, ka ndodhur 3 herë

Rreth 100 familje në njësinë e Bradasheshit në Elbasan kanë shpëtuar mrekullisht nga tensioni i lartë. Një shkëputje e kabullit elektrik ka shkaktuar dëmtime të mëdha në banesat e tyre, duke i prishur pothuajse të gjitha pajisjet elektrike.  Report Tv mëson se si pasojë e këputjes së kapulit të tensionit të lartë janë 1722 abonent pa energji elektrike.

ELBASAN- Rreth 100 familje në njësinë e Bradasheshit në Elbasan kanë shpëtuar mrekullisht nga tensioni i lartë. Një shkëputje e kabullit elektrik ka shkaktuar dëmtime të mëdha në banesat e tyre, duke i prishur pothuajse të gjitha pajisjet elektrike. Banorët u prononcuan për mediat ku thanë se është herë e tretë që ndodh kjo ngjarje dhe në asnjë moment shteti nuk ka marrë masa. Kabulli elektrik është shkëputur dhe ka rënë nëpër çatitë e banesave, por edhe në oborre. 

Pasojat mund të ishin tragjike nëse ky përcjellës i linjës së tensionit të lartë do të kishte prekur banorët, që ndihen të tmerruar nga ajo që u ndodhi – dhe që siç tregojnë, nuk është për herë të parë.

“Hera e tretë që më ndodh. Si ka mundësi të shpërthejnë telat në një tension. Këtu është defekti gjithmonë. Si ka mundësi? Duhet të bëhet verifikimi çfarë na është dëmtuar nëpër shtëpi dhe të rregullohet. Janë përvëluar 3 shtyllëzime.”- tha një banor.

Një tjetër banor kërkoi që shteti të vërë dorë, ndryshe do të ketë pasoja fatale edhe në njerëz.

“Kemi një fatkeqësi që na ka ndodhur mbi 3 herë me tensionin e lartë që na shkakton dëme shumë të mëdha. Fatmirësisht s’ka pasur dëme në njerëz, por po të ishin jashtë fëmijë apo njeri do kishte njerëz në dëme. Na kanë shkrirë pajisjet të gjitha. Po të ishte njeri jashtë do ishte përvëluar. Ka qenë një hark shumë djegës që dogji gjithë telat. Thirrje dhe ju lutem shumë se është hera e tretë, të bëhet diçka. Na i kanë shkatërruar të gjitha, kjo ishte më fatale sepse nuk u shkarkua asnjë lloj stakimi i automatit. E mira është të merren masa sepse ndonjë nga ne mund të mbesë viktimë”- tha një banor.

Një tjetër banore kërkoi rimbursim të plotë nga shteti për dëmet e shkaktuara, ndryshim të linjës pasi ndihen të pasigurt.

“Plasën pajisjet sikur ra automatiku, aq shumë ra. Ka ndodhur 3 herë. Nëse shteti nuk na do të na vërë flakën dhe të na djegim. I duam të gjitha pajisjet e shtëpisë dhe të ndërrohet menjëherë linja. Është nxirë komplet. Ne në dorë të shtetit jemi.”- tha banorja.

Të tjerë, paralajmërojnë protesta nëse shteti nuk i dëmshpërblen për dëmet që kanë pësuar pajisjet elektroshtëpiake, vlerësime të cilat do të bëhen pasi në zonë të rikthehet energjia elektrike e stakuar për çështje sigurie.

“Dëmi im? kur të konstatohet mund të jetë 10 mijë euro të dy katet.. Qeveria t’na heqë urgjentisht telat këtu se na ka rrethuar me tela.”- tha njw banor

OST dhe OSHEE ndodhen në vendin e ngjarjes dhe po punojnë për të zgjidhur këtë problematikë në Bradashesh.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46