Me probleme respiratore, Papa Françesku shtrohet në spital në Romë

Papa Françesku është shtruar paditen e sotme në spitalin Gemelli në Romë, për shkak të një infeksioni respirator. Kjo u bë e ditur nga zyra e shtypit e Vatikanit, duke saktësuar se nuk është Covid-19 dhe duke nënvizuar se infeksioni “do të kërkojë disa ditë terapi të përshtatshme mjekësore spitalore”. Dyshohet se Papa u sëmur menjëherë meshës së përgjithshme që mbajti mëngjesin e sotëm në Sheshin e Shën Pjetrit dhe për këtë arsye shtrimi i tij në spital do të ishte i nevojshëm.

Papa Françesku ishte në shtëpinë e tij në Santa Marta kur u ankua për "lodhje të frymëmarrjes". Ndërhyrja e stafit të tij ka qenë e menjëhershme dhe më pas transferimi me autoambulancë në Poliklinikën Gemelli. Sipas zyrës së shtypit të Vatikanit, ditët e fundit Papa ishte ankuar tashmë për disa vështirësi në frymëmarrje dhe pasditen e sotme ai do të shkonte në Gemelli për të kryer kontrollet e planifikuara më parë.

Tani për Papën parashikohen disa ditë shtrimi dhe pushimi. Stafi më i afërt me të, duke përfshirë punonjësit e sigurisë, u mobilizua për të kaluar natën në poliklinikën universitare romake. Përveç një interviste që Papa Françesku kishte caktuar në Vatikan pasditen e sotme, të gjitha seancat e tjera te planifikuara janë anuluar, në mënyrë që kontrollet të vazhdojnë për kohën e nevojshme.

LEXO EDHE:
Kampi i emigrantëve në Gjadër/ Gjykata e Kasacionit i jep të drejtë Melonit: Vlerësimi i vendeve të sigurta i takon qeverisë italiane

Për momentin, nuk ka asnjë informacion nga Vatikani për festimet në funksion të të Dielës së Palmave dhe Javës së Shenjtë deri në Pashkë.

TAG:
• itali
• papa Francesku

Sondazhi i ditës:

Çfarë prisni në vitin 2025?

• Punë

  8.4%

• Shëndet

  73.5%

• Mirëqënia

  18.1%

Vota total: 249

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia