LINDJE E MESME - Papa Françesku I ka bëri sot një thirrje urgjente për t’i dhënë fund konfliktit “gjithnjë e më të papranueshëm” palestino-izraelit.
 
Thirrjen, kreu i Vatikanit, e ka drejtuar gjatë një vizite në Bregun Perëndimor të Betlehemit, gjatë një udhëtimi  3-ditor në Lindjen e Mesme dhe pas takimit të tij me liderin palestinez, Mahmud Abaz.
 
Papa foli për pasojat tragjike të konfliktit të zgjatur dhe nevojën për intensifikimin e përpjekjeve për krijimin e një paqeje të qëndrueshme ndërmjet dy shteteve.
 
Lideri më i lartë i Vatikanit do të mbajë sot një meshë për 8 mijë të krishterët e Kishës së Betlehemit. Qëllimi kryesor i këtij udhëtimi, sipas tij, është përmirësimi i lidhjes së popollit me kishën.
 
Më pas, Papa do të udhëtojë për në Tel Aviv dhe Jeruzalem ku do të takohet me Patriarkun Ortodoks të Kostandinopojës, Bartolemeun I.
 
Sipas mediave vendase, palestinezët po shpresojnë për mbështetje nga vizita e Papës, vetëm disa javë pas ndërprerjes së bisedimeve më Jeruzalemin.
 
Nga ana tjetër, zyrtarët palestinezë kanë vënë në dukje se Papa Françesku i është i pari Papë që udhëton direkt në Bregun Perëndimor, në vend që të hyjë në Izrael.
 
Ndërkohë, vetë ai ka pohuar se qëllimi i udhëtimit të tij është thjeshtë  fetar. Megjithatë, fjalimi i parë pas mbërritjes së tij në Betlehem tregoi se ai është i gatshëm për të trajtuar çështje të ngutshme politike.
 
Pasditen e sotme, kreu më i lartë i Vatikanit do të ndërmarrë një fluturim të shkurtër në Tel Aviv, me ftesë të Presidentit izraelit, Shimon Peres.
 
Redaksia online
(ar.sh/ab/Shqiptarja.com)