POP 5

Lajmet më të lexuara të 5 minutave të fundit

Bota

Media ruse: SHBA-të duan zgjedhje të reja në Ukrainë për të 'zëvendësuar' Zelenskyn! Kievi e mohon: Propagandë e pastër

Si do të vijë paqja në Ukrainë? Presidenti i zgjedhur amerikan ka premtuar se do ta realizojë atë shpejtë, por pa dhënë indicie për mënyrën e saj. Agjencia e lajmeve ruse TASS, ka provokuar ndërkohë me një skenar, ku thotë se administrata amerikane po punon për zgjedhje në Ukrainë të cilat do të largonin Zelenskyn nga pushteti.

Si do të vijë paqja në Ukrainë, e premtuar fort nga Presidenti i zgjedhur Donad Trump? Agjencia e lajmeve ruse TAS, përhap një skenar i cili përfshin ndoshta heqjen e Zelenskyt nga pushteti, por nëpërmjet mekanizmave demokratikë sic është ai i zhvillimit të zgjedhjeve në Ukrainë.

Agjencia ruse në shkrimin e saj citon burime të inteligjencës ruse dhe thotë se DASH po punon për të organizuar zgjedhje në Ukrainë, çka do të sillnin një zëvendësim të Zelenskyt si pasojë e rezultatit. Corriere della sera analizon rrethanat ku është Ukraina dhe mundësinë që ky lajm të jetë pjesë e propagandës ruse dhe një dezinformim i zakonshëm i Vladimir Putin.

Ukrainës indirekt ditët e fundit i ka ardhur një kërcënim. Djali i Donald Trump postoi në rrjetet sociale një paralajmërim se fondet për Zelenskyn do të përfundojnë së shpejti. Por ndërkohë Ukraina është që prej fillimit të luftës, nën sundimin e ligjit ushtarak dhe në këtë kontekst Zelensky ka autoritetin të bllokojë mbajtjen e zgjedhjeve.

Ndërkohë siç thotë Corriere, në rastin e mbajtjes së zgjedhjeve tani afër, për të cilën gjasat janë të vogla, fuqia politike e Zelenskyt është në rënie. Ai në sondazhet e fundit rezulton me mbështetje 59 përqind në një rënie të fortë që prej nisjes se luftës kur gëzonte 90 përqind mbështetje nga populli. 

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51