Paradoksi i PD: Dje “pro” dhe
sot kundër hapjes së dosjeve

TIRANE- Ligji për hapjen e dosjeve ka nxjerrë në pah paradoksin më të madh që mbart mbi supe Partia Demokratike. Kjo për vetë faktin se, për 8 vite qeverisje Partia Demokratike ka pretenduar se do të hapte dosjet e kohës së diktaturës, por kjo rezultojë thjeshtë një mjegullnajë që nuk u qartësua kurrë dhe nuk u bë fakt.

Në kohën kur ish-kryeminstri Berisha drejtonte qeverisjen e vendit, jo vetëm e ka premtuar hapjen e dosjeve, por madje herë pas herë ka akuzuar përfaqësuesit e Partisë Socialiste se nuk e mbështesin hapjen e dosjeve.

Ndërkohë, që sot të gjitha këto po marrin trajtë në një formë krejt tjetër. Jemi në momentin kur Partia Socialiste dhe qeveria aktuale ka dhënë sinjale pozitive për ligjin e hapjes së dosjeve të sigurimit të shtetit.