POP 5

Lajmet më të lexuara të 5 minutave të fundit

Bota

Paralajmërimi i NATO-s: Interesat ruse dhe kineze po shtohen në Arktik

Sekretari i Përgjithshëm i NATO-s, Jens Stoltenberg paralajmëroi të premten për rritje të pranisë ushtarake të Rusisë në Arktik dhe interesin në rritje të Kinës në këtë pjesë të globit.

Paralajmërimi i NATO-s: Interesat ruse dhe kineze po shtohen në Arktik

Kreu i NATO-s Stoltenberg

Sekretari i Përgjithshëm i NATO-s, Jens Stoltenberg paralajmëroi të premten për rritje të pranisë ushtarake të Rusisë në Arktik dhe interesin në rritje të Kinës në këtë pjesë të globit.

Gjatë një vizite në veriun e Kanadasë, Stoltenberg tha se trajektorja më e shkurtër drejt Amerikës së Veriut për raketat dhe bombarduesit rusë kalon mbi Polin e Veriut. Ai tha se Rusia ka krijuar një Komandë të re për Arktikun dhe ka çelur qindra objekte ushtarake në Arktik, si objekte të reja, ashtu edhe ato të vjetra të epokës sovjetike, si p.sh. pista avionësh dhe porte detare.

“Vërejmë një rritje domethënëse të kapaciteteve ushtarake ruse, me baza të reja, sisteme të reja armësh, si dhe përdorimin e veriut të largët si terren për të testuar armët e tyre më të përparuara, përfshirë raketat hipersonike”, tha Stoltenberg në një bazë ushtarake kanadeze në Cold Lake, Alberta.

Stoltenberg vuri gjithashtu në dukje se Kina e ka shpallur veten një shtet “pranë Arktikut”. Ai tha se Pekini kërkon të prodhojë anijen akullthyese më të madhe në botë dhe po shpenzon dhjetëra miliarda dollarë për projekte energjitike, infrastrukturore dhe studimore në veri.

“Pekini dhe Moska janë zotuar gjithashtu të shtojnë bashkëpunimin praktik në Arktik. Kjo është pjesë e një partneriteti strategjik në rritje, i cili sfidon vlerat dhe interesat tona”, tha Stoltenberg.

Ai gjithashtu vuri në dukje se ndryshimi klimatik po e bën Arktikun më të arritshëm për njësitë ushtarake dhe mirëpriti njoftimin rishtazi të Kanadasë se do të rrisë shpenzimet për mbrojtjen.

Kryeministri kanadez Justin Trudeau, i cili shoqëronte Stoltenberg, paraqiti disa nga shpenzimet dhe aktivitetet që Kanadaja po bën në veri. Ndër të tjera janë premtimet për të angazhuar fonde prej miliarda dollarësh për paisje dhe kapacitete të reja ushtarake, përfshirë planet për të blerë avionë të rinj luftarakë dhe për të modernizuar sistemin e vjetër NORAD të Amerikës së Veriut, që funksionon në bashkëpunim me Shtetet e Bashkuara.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 27/08/2022 12:07

    Po ju shtrëngohet rripi tani , duhet të marrë fund nazismi amerikan që ka shkatërruar botën bashkë me këta lëpirësat e europës tani duhet të ketë rregulla njësoj për të gjithë

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30