Paralajmëron Rusia: Situata në Siri është shumë e rrezikshme

Ambasadori i Federatës Ruse në Kombet e Bashkuara (OKB), Vassily Nebenzia, ka thënë se prioritet i Rusisë është të shmanget lufta në kulmin e tensioneve të shkaktuara nga paralajmërimi për ndërhyrje të mundshme ushtarake të SHBA-ve në Siri, raporton Anadolu Agency (AA).

Takim të mbyllur të Këshillit të Sigurimit të OKB-së kërkoi Bolivia, në të cilën u diskutua për tensionet në rritje për shkak të ndërhyrjes së mundshme ushtarake të SHBA-ve dhe Francës në Siri. Pas takimit, gazetarëve iu drejtua i dërguari rus Nebenzia, i cili tha se disa vende me retorikën e tyre agresive kërcënojnë paqen ndërkombëtare dhe shkelin normat e OKB-së.

"Jashtëzakonisht jemi të shqetësuar për tensionet në rritje. Shpresojmë të mos vijmë në një situatë pa rrugëdalje dhe se SHBA-të dhe aleatët e saj do të heqin dorë nga intervenimi ushtarak kundër shtetit sovran të Sirisë. Hapur paralajmërojmë se situata është shumë e rrezikshme", tha Nebenzia.

LEXO EDHE:
Rusëve që janë kundër luftës nuk u njihet azili në Gjermani

I pyetur për të komentuar mbi projekt-rezolutën suedeze për dërgimin e një ekipi hetues në Siri, Nebenzia tha se për momentin nuk është prioritet, por se prioritet është parandalimi i shpërthimit të luftës.

TAG:
• rusia
• lufta ne siri

Sondazhi i ditës:

Propozimi i PS, a na duhet një reformë e re anti-korrupsion?

• Po

  69.4%

• Jo

  22.5%

• Nuk e di

  8.1%

Vota total: 1384

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di