POP 5

Lajmet më të lexuara të 5 minutave të fundit

Arkiva

Paris, Berisha: Ne model suksesi

Pas ditës së dytë të seminarit “Bota e re 2012” që u mbajt në Paris, Berisha tha për mediat se është vlerësuar modeli shqiptar kundër krizës ekonomike.
PARIS - Kryeministri Berisha deklaron se modeli shqiptar është në përputhje të plotë me drejtimet e reja, parashikimet e vizionet e zhvillimit ekonomik dhe shndërrimit të Shqipërisë në një vend të zhvilluar. Pas ditës së dytë të seminarit “Bota e re 2012” që u mbajt në Paris, Berisha tha për mediat se është vlerësuar modeli shqiptar.
“Model, i cili ka garantuar rritjen e konsoliduar të ekonomisë, një model, i cili, ndoshta si asnjë vend tjetër, ka realizuar rritjen me 100 për qind të eksporteve shqiptare, pra, dyfishimin e tyre në harkun kohor 2009-2011, një model që ka shënuar rritjen prej 316 për qind të investimeve të huaja në harkun kohor 4 vjeçar, një model, i cili në një hark kohor 5-6 vjeçar i ka dhënë të ardhura ekonomike vendit mbi 7 miliardë dollarë më shumë. Ky model, i bazuar në lirinë ekonominë, taksat e ulëta, qeverinë e vogël, përmirësimin e klimës së biznesi dhe zhdukjen e pengesave burokratike, u konsiderua këtu dhe konsiderohet kudo, siç u theksua dje, si një model suksesi. Pata rastin të bëj një ekspoze të këtij modeli dhe të shpreh mendimet e mia për potencialet e mëdha të Shqipërisë”, tha Berisha.
Berisha tha se është takuar me drejtues të Korporatës Energjetike të Francës që është grupi Suez, i cili, sipas kryeministrit ka pohuar Shqipëria po bëhet një basen e mrekullueshme e prodhimit të energjisë së rinovueshme dhe ne duhet të jemi pjesëmarrës në këtë zhvillim.
Drejtimi i dytë themelor është teknologjia e lartë.
“Informova audiencën dhe sot, me fjalën time të shkurtër, me progresin e madh që ka bërë Shqipëria me aplikimin e kësaj teknologjie dhe vendosmërinë e saj për ta shtrirë në çdo qelizë të vendit. Drejtim tjetër themelor ishte bujqësia e modernizimi i saj, gjë që ne e kemi vendosur në epiqendër të përpjekjeve tona”, tha kryeministrit sot në Paris.

(aq/shqiptarja.com)

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Tiranë/ U padit për shpifje nga OSHEE, Gjykata e Posaçme shpall të pafajshëm Gazment Bardhin! Deklaroi në tetor se u manipulua përqindja e humbjes së energjisë në rrjet

Tiranë/ U padit për shpifje nga OSHEE, Gjykata e Posaçme shpall të pafajshëm Gazment Bardhin! Deklaroi në tetor se u manipulua përqindja e humbjes së energjisë në rrjet

8 Janar, 14:02 nga Keti Banushi