Qeveria gjermane do të financojë me një grant prej 3.5 milionë eurosh, fazën e dytë të projektit “Rezervati Ndërkufitar i Biosferës Prespës” me një kohëzgjatje nga viti 2016 deri në vitin 2020. Marrëveshja u firmos dje nga ministri i Mjedisit, Lefter Koka dhe ambasadori gjerman në Tiranë, Hellmut Hoffmann. Projekti “Rezervati Ndërkufitar i Biosferës Prespë” përqendrohet në investimet e mëtejshme në Parkun Kombëtar të Prespës (PNP) në përfitim të popullsisë lokale, të diversitetit biologjik dhe një mbështetje fillestare për zhvillimin e Rezervës së re të Biosferës të miratuar nga UNESCO.