Parlamenti i Ukrainës anuloi një seancë të premten ndërsa u forcuan masat e sigurisë pasi Rusia vuri në përdorim një raketë të re balistike që rrezikon të përshkallëzojë luftën gati trevjeçare.
NATO dhe Ukraina do të mbajnë bisedime urgjente të martën e ardhshme, pas një kërkese nga Ukraina, njoftoi aleanca. Takimi do të mbahet në nivel ambasadorësh dhe gjasat janë që do të përqendrohet tek kërcënimi i ri nga raketat.
Trupat ruse goditën gjithashtu qytetin Sumy me dronë Shahed gjatë natës, duke vrarë dy persona dhe duke plagosur 12 të tjerë, tha administrata rajonale të premten në mëngjes. Sulmi kishte në shënjestër një lagje të banuar të qytetit.
Ndërkohë Ministri i Jashtëm çek Jan Lipavský mbërriti për një vizitë në Kiev. Ai postoi një foto nga stacioni hekurudhor i Kievit në rrjetin social X të premten në mëngjes.
“Dua të njihem me gjendjen e ukrainasve përballë bombardimeve, ecurinë e projekteve çeke në terren dhe se si të përdoret më mirë ndihma ndërkombëtare në muajt e ardhshëm”, u shpreh ministri Lipavský.
Tre ligjvënës ukrainas konfirmuan se seanca parlamentare e planifikuar u anulua për shkak të kërcënimit të vazhdueshëm të sulmeve me raketa ruse që kishin në shënjestër ndërtesat qeveritare në qendër të qytetit. Përveç mbylljes së parlamentit "ka pasur gjithashtu rekomandime për të kufizuar punën në të gjitha zyrat tregtare dhe OJQ-ve që ndodhen në atë perimetër, dhe banorët vendas u paralajmëruan për kërcënimin në rritje," tha ligjvënësi Mykyta Poturaiev, i cili shtoi se nuk është hera e parë që ka një kërcënim i tillë.
Zyra e Presidentit Volodymyr Zelenskyy vazhdoi të punojë në përputhje me masat standarde të sigurisë, tha një zëdhënës.
Rusia lëshoi të enjten një raketë të re balistike me rreze të mesme veprimi në përgjigje të përdorimit nga Kievi të raketave me rreze më të gjatë veprimi të dërguara nga SHBA dhe Britania nga Kievi, të afta për të goditur më në thellësi të territorit rus, tha presidenti rus Vladimir Putin në një fjalim të enjten.
Pentagoni konfirmoi se raketa ruse ishte një lloj i ri, eksperimental i raketës me rreze të mesme veprimi, i bazuar në raketën balistike ndërkontinentale RS-26 Rubezh./VOA
Komente
Lajme të tjera
-
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25
Mos e kruani te godisni ne territorin Rus se do tju shuaje fare Putin por kerkoni qe te uleni ne bisedime per paqe se me lufte nuk do te shkoni asgjekund jeni te humbur perballe nje superfuqie berthamore dhe mos degjoni keta perendimoret qe ju futen ne calle dhe ja mbathen legenat
Përgjigju