Parlamenti voton kundër rritjes
së akcizës së birrës vendase

Parlamenti ka votuar sot kundër rritjes së akcizës për birrën vendase. Ka qenë një amendament i deputetit të LSI­-së, Përparim Spahiu, për mosrritjen e akcizës së birrës vendase, i cili ka marrë 81 vota pro dhe dy kundër 

Deputetët votuan kështu për mosrritje të akcizës të birrës për prodhimin vendas në masën 11 për qind, sipas propozimit të Ministrisë të Financave. Gjithashtu, u votua për rritjen në masën 15 % të akcizës për birrën e importit.Deputeti Përparim Spahiu, foli para votimit të amendamentit të propozuar prej tij duke parashtruar dy argumente, se përese nuk duhej rritur akciza për birrën vendase.

(Faksimile amendamenti për akcizën e birrës)


“Besoj që dy argumentet për mos ndryshimin e akcizës së birrës vendase janë mës e të mjaftueshme për ta votuar këtë amendament.Së pari, birra vendase nuk ka patur asnjë efekt negativ në buxhet, këtë mund ta konfirmojë edhe ministri i Financave, dhe së dyti, nëse ajo rritet rrezikon që ky biznes të dëmtohet duke u mbyllur me qindra vende pune. Mosrritja e akcizës i vjen në ndihmë prodhimit vendas dhe s’duhet të rrezikojmë humbjen e tyre”, tha Spahiu. 


Redaksia online
(s.m/shqiptarja.com)