Ka qenë vetë Kodra që e ka konfirmuar këtë për Sky Sport, ku ka shpjeguar dinamikën e ndryshimit të pronësisë. “Koha për të paguar palët e treta ishte vërtetë shumë e vështirë dhe për këtë arsye vendosëm të dilnim mënjanë duke i dhënë aksionet e shumicës një shoqërie sllovene, ku dy pronarët janë italian dhe slloven.”
Gjendja financiare në të cilën ndodhet aktualisht ekipi është vërtet e rëndë: “Kemi gjetur një situatë vërtet ndryshe nga ajo që na kishin thënë. Projektet tona realisht bazoheshin në diçka tjetër, dhe në fund kemi vendosur që të tërhiqeshim pas ishte më e mira që mund të bënim. “
Ish numri një i ekipit të Parmës ka theksuar se për Taçin nuk kishte asnjë fitim nga kjo eksperiencë e shkurtër. “Nuk kishim absolutisht asnjë avantazh ekonomik nga e gjitha kjo, përkundrazi, kemi shpenzuar para për të qëndruar këtu dhe për të shpëtuar diçka të mirë nga Parma, e cila ka nevojë për siguri dhe për një të ardhme më të mirë”.
Redaksia online
(f.m/shqiptarja.com)