Partia e Gruevskit: Rama po
poshtëron popullin maqedonas

Ish-kryeministri i Maqedonisë, Nikolla Gruevski vazhdon që të sulmojë kryeministrin shqiptar Edi Rama.
 
Përmes një deklarate partia e Nikolla Gruevskit shprehet se Edi Rama po ndërhyn në politikën e brendshme.
 
“Edi Rama në mënyrë të tërthortë ka thënë që nëse Maqedonia nuk ndryshon emrin dhe nëse nuk lufton për t’u anëtarësuar në BE njësoj si vendet e tjera të rajonit, atëherë kjo do të zgjojë idenë për ndryshimin e kufijve.
 
Ky është i njëjti Edi Rama që mblodhi krerët e partive politike shqiptare të Maqedonisë dhe i bashkoi për platformën e Tiranës.
 
Në kundërshtim me të gjithë në Maqedoni, Zoran Zaev dhe LSDM-ja kishin mendim pozitiv në lidhje me platformën e Tiranës”, thuhet në komunikatën e partisë së Gruevskit.
 
Pikërisht, platforma shqiptare që u arrit të pranohet nga opozita maqedonase për votën e partive shqiptare ka bërë që të bllokohet krijimi i qeverisë maqedonase. 


Deklarata e Nikolla Gruevskit

dy.b/shqiptarja.com