POP 5

Lajmet më të lexuara të 5 minutave të fundit

Politikë

Partia e Lirisë letër drejtuar Nikollës: Na vini në dispozicion kalendarin e takimeve me BE-në dhe raportimet periodike për ecurinë e tyre

Partia e Lirisë ka kritikuar mungesën e gjithëpërfshirjes të të gjitha palëve politike në procesin e anëtarësimit të Shqipërisë në BE.

Partia e Lirisë letër drejtuar Nikollës: Na vini në dispozicion kalendarin e takimeve me BE-në dhe raportimet periodike për ecurinë e tyre

Deputetja e Partisë së Lirisë, Erisa Xhixho

Partia e Lirisë ka kritikuar mungesën e gjithëpërfshirjes të të gjitha palëve politike në procesin e anëtarësimit të Shqipërisë në BE. Deputetja Erisa Xhixho ka sjellë në vemendje faktin se një vit pas letrës që Partia e Lirisë asokohe (Lëvizja Socialiste për Integrim), i kishte dërguar kryeparlamentares Lindita Nikolla për gjithëpërfshirjen e partive politike në procesin e integrimit, një gjë e tillë sipas saj ende nuk kishte ndodhur.

Në një postim të bërë në facebook, Erisa Xhixho shkruan se kërkesa e Partisë së Lirisë mbi propozimin që të gjitha partitë politike të jenë pjesë e Këshillit të Integrimit Europian, nuk ishte marrë fare në shqyrtim nga Kuvendi, duke u bllokuar nga mazhoranca.

“Një vit më parë, ne si parti iu drejtuam Kuvendit me një amendim për ligjin nr. 15, datë 05.03.2015, “Për rolin e Kuvendit në procesin e integrimit të Republikës së Shqipërisë në Bashkimin Europian”, me synim gjithëpërfshirjen në procesin e integrimit, duke propozuar që Këshilli i Integrimit Europian të përbëhet nga të gjitha partitë parlamentare. Por një vit pas propozimit të këtij ndryshimi në ligj, kjo nismë as nuk marrë fare në shqyrtim dhe është bllokuar nga maxhoranca”- shkruan Xhixho.

Xhixho ka dërguar një letër tjetër për kryeparlamentaren, Lindita Nikolla të cilës i ka kërkuar vënien në dispozicion të kalendarit të takimeve me zyrtarë të Bashkimit Europian dhe raportimin periodic për ecurinë e tyre.

“Ndaj, në cilësinë e deputetes së Partisë së Lirisë, i jam drejtuar me një letër kryetares së Kuvendit, për t’i kërkuar vënien në dispozicion të deputetëve të kalendarit të takimeve me BE-në dhe raportime periodike për ecurinë e tyre. Njëkohësisht, kërkoj nga Kuvendi të na informojë mbi ngritjen e 33 tryezave të diskutimit dhe këshillimit, në mënyrë analoge me kapitujt e “acquis” të Bashkimit Evropian, të parashikuara në urdhrin e Kryeministrit nr. 113, datë 30.8.2019 për “Format e pjesëmarrjes, funksionimin dhe strukturën institucionale të Platformës së Partneritetit për integrimin evropian”- shkruan Xhixho mes të tjerash.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pinokja: 11/01/2023 19:32

    Kur te veni ne Rec si particke me kryekoklopen, do t'ju vi agjenda e takimeve me BE-ne, hajdute kolektive,qe keni mbetur nje grusht se militantet i keni degdisur neper europe dhe po shesin droge t'ju sjellin para per te vjedhur votat, se florinjte u duhen per ata down-net e agushit qe bejne palle ne Londer mes lluksit.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53