POP 5

Lajmet më të lexuara të 5 minutave të fundit

Kosova & Rajoni

Partia pro-serbe në Mal të Zi inicion tërheqjen e njohjes së Kosovës! Qeveria malazeze: Nuk është akt ligjërisht i detyrueshëm

Deklarata për anulimin e vendimit për njohjen e pavarësisë së Kosovës, miratimin e të cilit e ka paralajmëruar Komuna e Zetës në Mal të Zi, nuk do të ketë efekt juridik dhe as nuk mund të jetë akt ligjërisht i detyrueshëm.

Partia pro-serbe në Mal të Zi inicion tërheqjen e njohjes së Kosovës! Qeveria malazeze: Nuk është akt ligjërisht i detyrueshëm

Parlamenti malazez

Partia pro-serbe dhe pro-ruse në Mal të Zi, Fronti Demokratik ka iniciuar tërheqjen e njohjes së Kosovës.

Deklarata për anulimin e vendimit për njohjen e pavarësisë së Kosovës, miratimin e të cilit e ka paralajmëruar Komuna e Zetës në Mal të Zi, nuk do të ketë efekt juridik dhe as nuk mund të jetë akt ligjërisht i detyrueshëm.

Përkatësisht, Fronti Demokratik pro-serb dhe pro-rus, i cili ka pushtet absolut në Zetë, komuna më e re në Mal të Zi, ka marrë vendim për miratimin e Deklaratës me të cilën, siç kanë thënë, njohja e pavarësisë së Kosovës nuk do të vlejë në atë territor.

Komuna e Zetës, e cila ndodhet në rrethinën më pak të banuar të kryeqytetit Podgoricë, do ta shprehë opinionin e saj për këtë dokument në seancën që do të mbahet në fund të muajit maj.

Pavarësia e Kosovës u njoh nga Qeveria e Malit të Zi në vitin 2008, kur në pushtet ishte Partia Demokratike e Socialistëve (DPS) e Milo Gjukanoviqit, e cila në gusht 2020 humbi zgjedhjet përballë Frontit Demokratik pro-serb dhe prorus, demokratëve dhe lëvizjes URA.

Së fundmi Gjukanoviç ka pësuar disfatë edhe në zgjedhjet presidenciale dhe zyrtarisht më 24 maj duhet t'ia dorëzojë atë post presidentit të sapozgjedhur Jakov Milatoviq, i cili deklaroi se nuk do të ketë tërheqje të njohjeve të Kosovës.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 05/05/2023 04:34

    Duke degjuar pergjigjen e meket te qeverise malazeze ndaj kesaj deklarate mu kujtua filmi /Gentleman'a agreement/ ku flitet per ekspozimin e demaskimin e antisemitizmit.Ne nje fragment te tij,nje nga personazhet tregonte se sa keq ishte ndjere kur nje person ne nje darke kishte bere nje shaka banale per hebrejte,megjithate bashkebiseduesi e pyeti se si kishte reaguar dhe personazhi i filmit thote qe edhe pse nuk i kishte pelqyer,nuk kishte thene asgje,po keshtu askush tjeter qe kishte qene i pranishem ne ate darke.Bashkebiseduesi ne film i thote perafersisht se fillohet me kete mosreagim ndaj nje shakaje e kalohet me tej ne gjera me te renda.Po keshtu dhe me qeverine malazeze,kjoeshte deklarate e rende dhe qeveria malazeze nuk duhej te mjaftohej thjesht me nje pergjigje te dobet se nuk ka fuqi ligjore.Ajo duhej t'a denonte me ze te larte e me force kete propozim e kete deklarate.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Elektroshtëpiaket, bulmeti e veshjet, produktet që blejmë më shtrenjtë se në Europë, sipas Eurostat

Elektroshtëpiaket, bulmeti e veshjet, produktet që blejmë më shtrenjtë se në Europë, sipas Eurostat

18 Dhjetor, 07:30