POP 5

Lajmet më të lexuara të 5 minutave të fundit

Sport

Partizani i shkon shumë pranë kualifikimit, kundër Tiraspol 'qan' rastet e humbura

Misioni përmbysje ka qenë fare pranë në Moldavi, por partizani pas Champions League është eliminuar edhe nga Europa League.

Partizani i shkon shumë pranë kualifikimit, kundër Tiraspol 'qan' rastet e humbura

Partizani i ka shkuar shumë pranë kualifikimit në turin e tretë të Europa League, por rastet e humbuara e kanë ndëshkuar kundër Sherif Tiraspol, që në ndeshjen e zhvilluar në Moldavi arriti të kalonte më tej falë rezultatit 1-1. Në sfidën e dytë të vlefshme për turin e dytë eliminator kampionët e Shqipërisë u paraqitën mjaft mirë, ndryshe nga ndeshja e parë që lanë për të dëshiruar.

Pas një loje të balancuar fillimisht, Partizani i drejtuar nga Lerda arriti të zhbllokonte shifrat në minutën e 29 me Jasir Asanin, që konkretizoi një aksion model të të kuqve. Ky episod mjaftoi për të rritur presionin te vendasit, që gjithsesi pavarësisht tentativave nuk arritën të barazonin në pjesën e parë.

Në fraksionin e dytë të lojës Partizani pati rastin ideal për të dërguar shifrat në 0-2 dhe për t’I dhënë një goditje të fortë Sherif Tiraspolit, por nga shumë afër braziliani Cordero nuk arriti ta dërgonte topin në rrjetë. Pas këtij rasti u vërtetua edhe ligji i pashkruar I futbollit, kush nuk shënon e pëson. Dhe këtë herë për fat të keq e pësoi Partizani. Në minutën e 63 gjatë zhvillimit të një goditje dënimi N’Diaje barazoi shifrat, duke shtangur kampionët e Shqipërisë që po zhvillonin një lojë model.

Për rastin pati shumë kontestime të arbitri, madje në një rast u duk sikur e anuloi golin, por si përfundim u cilësua i vlefshëm. Lerda më pas ndërhyri duke bërë disa ndryshime, por që nuk rezultuan deçizive për fatin e ndeshjes. Në fund ajo që vlen është se Partizani nuk kaloi asnjë tur në Europë, pasi fillimisht u eliminua nga Qarabag në Champions League dhe tani nga Sherif Tiraspol në Europa League. Kjo e fundit një humbje që I heq edhe 280 mijë euro klubit, para të cilat do t’I përfitonte nëse kualifikohej për turin e tretë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dashamir: 05/08/2019 12:08

    vetem sport skemi ne .kemi politikane qe krekosen andej ketej

    Përgjigju
  • Sam: 02/08/2019 04:54

    Edhe keto ndeshje kualifikuese te gjitha ekipet i humben dhe mbeten shume prapa Skenderbeut te Korces,komentet jane “nul “ha-ha-haaaa,!!!!

    Përgjigju
  • Zhelal: 01/08/2019 23:18

    Duhet ta fitonim porprsp te fitum jemi...!!! Nuk e njohim humbjen!!

    Përgjigju
  • Fredi: 01/08/2019 22:37

    Aty i kishin lekt pse si fitun? Bajga!

    Përgjigju
    • Une: 01/08/2019 23:17

      O bled e kan shit lojen qe ne tirane mos u merzit

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

VIDEO/ Lojtari shijakas dërgohet në spital, pse u ndal ndeshja Flamurtari - Erzeni në Kategorinë e Parë

VIDEO/ Lojtari shijakas dërgohet në spital, pse u ndal ndeshja Flamurtari - Erzeni në Kategorinë e Parë

24 Nëntor, 16:24